هذه قصيدة الشاعر محمد بن شافي بن حزمّي الغرره
فقد قال قصيدته وهو مغترب بعيداً عن جماعته وهو يعتب عليهم بعدم السؤال عنه
عندما طال اغترابه في شمال الجزيرة وهو مبتعد عنهم ..
ويمتدح في قصيدته جماعته الغرره ويخص هادي بن سعد بن مرشد وشافي بن
عبدالهادي بن بتال الغرره يرحمهما الله ..
يالله يا عالم خفيات الاسرار = انك تروف بحالنا يا رحومِ
تفرج لرجلٍ طول الايام محتار = لا قال هانت زاد فيها لزومِ
يطري وكنه من على صالي النار = واذا ارتخى عيّت عيونه تنومِ
زادت همومي بزود ضيقات الاقدار = وشان حظي يوم هانت عزومي
يا والله اللي تعبنا والاخبار = ولا جاتنا خطٍ ولا به علومِ
غديت انا في دار وربعي لهم دار = و افكل دار انا عزيز امحشومي
أشره على الطيّب وعلى من لهم كار = ابو شرار(1) يا جعل عمره يدومِ
وابو سعد (2) عيد الركايب وخطار = شوق العذارا لا زهمهم يحومِ
سلايل الشجعان من نسل الاحرار = لاد الغريري وكل ربعي قرومِ
لا طرشوا خطٍ ولا طايرٍ طار = ولا مع رجلٍ ولا مع بومِ
ولا طرشوا خطٍ لصوب عرعر وعرعار = وابلجات الهوا بتبرق همومي
يا شوق عيني للنقا والسعد دار = وارجالٍ على الشدات والعز دومِ
(1) ابو شرار : شافي بن بتال بن عريف الغرره
(2) ابو سعد : هادي بن سعد بن مرشد الغرره
وتقبلوا خالص الود والتقدير ..
اخوكم في الله
محمد الغريري