::: مـنتدى قبيلـة الـدواسـر الـرسمي ::: - عرض مشاركة واحدة - الله عطاك الغلا في خافقي حصري
عرض مشاركة واحدة
قديم 20-05-2008, 04:15 AM   #25
 
إحصائية العضو








غلا نجد غير متصل

غلا نجد will become famous soon enough


:e-e-6: رد: الله عطاك الغلا في خافقي حصري

اقتباس:
المشاركة الأصلية كتبت بواسطة نايف بن مسرع مشاهدة المشاركة
يامن حسبت السنين الجرد بالهجري=توّي معك مبتدي تاريخ ميلادي
لاتحسب اللي مضى أو راح من عمري=مافات مات وكفاك حساب واعدادي
من يوم جيت ونزلت و ساحتك صدري=عرفتنا إني زماني عشت به غادي
ليتك لفيت وضويت بدنيتي بدري=كان استريح بمنامي واهتني زادي
يامن سكنت الحنايا كان ماتدري=عن مامضى من حياتي: (هم) و (سهادي)
وانكان تبغى الدلايل لـدّ في شعري=قصايدن في سما الحرمان تنقادي
أسري بها الليل لو الليل مايسري=أشب نار القصيدة واضبط قنادي
أناجي اللي حفظ في غيبتي قدري=ووطيت لاجله على هامات حسادي
ما ابيع مع غيره من الناس ما أشري=بين الحنايا ينادي باسمه منادي
الله عطاك الغلا في خافقي حصري=لو كان غيرك يبي مثلك ولا فادي
غلاك في مهجتي يامنوتي فطري=أحتاج له حاجتي للشرب والزادي
كم ليلة(ن) باردة طيفك علي يطري=ويشب جمر الغلا فالصدر وقـّـادي
يشع نجم القصايد ويغرب صبري=لامن حدا مهجتي لمواصلك حادي
ولامن تذكرت طلة وجهك العذري=وصوت(ن) يداعب سموعي بالهوى هادي
كني ملكت المداين والعصر عصري=وصوت السعادة على خفاقي ينادي
يانعمة(ن) ساقها الرحمن للفقري=أنا اشهد إنه كريم وبالعطا زادي
خل الليالي على موالها تجري=واليا عرف سرنا حسادنا.... عادي!
واللي أعرفه أكيد.. إني أبد مدري=عن مامضى واعتبر لقياك ميلادي
قصيده راااائعه جدا

عذوبه رااااقيه

انسكاب في الحرف يفوح شذاه لدى متذوقي القيفان

صح اللسانك استاذي وسلم لنا فكرك واحساسك

بانتظار بوح لا يقل روعه عن سابقه

دمت في حفظه ورعايته

احترامي وتقديري

 

 

 

 

 

 

التوقيع





[(اللهم اني اعوذ بوجهك الكريم ,وكلماتك التامات ,من شر ما انت آخذ بناصيته ,اللهم انت تكشف المأثم والمغرم ,اللهم انه لا يهزم جندك ,ولا يخلف وعدك ,سبحانك وبحمدك ,أعوذ بكلمات الله التامات من شر ما أجد واحاذر الله ربي لا اشرك به شيئا عز جارك وجل ثناؤك وتقدست اسمائك ولا اله غيرك آمنت بالله وكفرت بالجبت والطاغوت واعتصمت بالعروة الوثقى لا انفصام لها والله سميع عليم)
اللهم انك كما احب وارضى ....فاجعلني ربي كما تحب وترضى

وان مات نايف كلنا اليوم نايف
يخسى الردي وان طال راسة قطعناااه..

    

رد مع اقتباس