الشاعر الكبير عبدالله بن زويبن الحربي
هذي قصيده التي أحببت ان اضعها بين يديكم قصيدة في الحكمة يسندها على ابنه بدر
ياعزوتي يابدر مااقرب حضايبك=على الخطا والصبح حبك نقـازي
نوب تنسينا الشقا فـي عجايبـك=ونـوب تولعهـا بليفـة وقـازي
ادناة مايرضيك وأدناة مااغضبك=تلقط الغلطلـت لقـط الجهـازي
ماهي عداوة يوم اطالبك واضربك=أنته حفيد جدودنا ماانـت نـازي
لاشك انا يابدر ابنصحك وادبـك=واعطيك عن كل المعاني أجازي
تلقى فوايدها ليـا خـط شاربـك=بها على كل الوصايـا أمتيـازي
خلك شمالي عنـد زلـة قرايبـك=وعلى الحقوق الليا نصنك حجازي
لاتذخر المذخور من دون واجبك=اوف الحقوق اللازمات بنجـازي
للضيف والجيران ليّـن جوانبـك=وبالطيب جاز وبالردى لاتجـازي
احلم على زل رفيقك وصاحبـك=ادمح خطاهم لاتصيـر انتهـازي
يابـدر والله ماتخونـك مناسبـك=لك منسب طيب وساس عـزازي
أفرح ليا قالوا هاك العود جاذبـك=يصير عندي مفخرة واعتـزازي