[معلومات العضو ]${عاسف المهره}$[]

صاحبي خان المواثيق بواق العهود=وانقطع حبل الرجاء منه واليأس ابتدأ
والرجاء لاصار حبله قصيرٍ ومعقود=مخطرٍ لايقطعونه ضعيفين الجدا
يقطعه من نايد الناس مقهورٍ حسود=مخلف النيه يبدل بعيدين المدا
ليت حنا ماعرفنا الصدير من الورود=وليت به من يفرض الحق من بين إعندا
مكسبي من سيد البيض غضات النهود=ونتي لازل فوجٍ من الليل وهدا
ونتي لاهود الليل والعالم رقود=وانتكس للغرب نجمٍ مع الصفره بدا
لابغيت النوم عقب العتيم وهب نود=لاعني من لايع الحب حزنٍ وزهدا
لاعني لوع السمايم ورق خضر الفنود=لاجذب سبح عروق النبات من الندا