مانيب من تآكل عشـاه الذيابـه=أنا معشي الذيب لامن عوى ذيب
أنا العقيد بوقت كلّه نهابـه=وأنا على الهدّات عطب المظاريب
أنهب سمين القوم ماحدٍ درابـه=أفـك عانيهـم وارسل مناديـب
من مبطيٍ لاجيت كلي مهابه=والحين ياعيني عليهم معازيـب
نسكن على متن الهوى والسحابه=الريح نسرجها بوقت المواجيـب
حنـا خلقنـا هكـذا للحـرابـه=مانستكين إلا نـدوّر 0مطاليـب
بوقت الرخا تلقا القِّرّا والرحابه=تصفو على جال العدود المشاريب
ندمح خطا زلات بعض القرابـه=وهفواتنا تكبر وتصبح عذاريب
ما أتبع الدانـي وأهـل المعابـه=أرقا الرجوم النايفات المراقيـب
مـن أولاٍ وانـا خـوِي الذيابـه=ومعشيٍ الذيب لامن عوى ذيـب