القائل كتلان ابن حامد ال حنيش الوداعين الدواسر في الكرم والرجوله :
بنيتنا في مقطع الخشم لي دار = وفي مقطع الصفراء حوالي قورها
ارجي بها في الليل بن ومسمار = وسوالف اجواد اقطف ثمرها
لعاد ان غيري دلته مالها كار = ماخبر يوم عند ربعه نحرها
في غرسة مانيب فيها ببوار =كله لاعني اللي وزا من ثمرها
لاشفتها ظميانه درت الافكار = ولا اسمح ولا ينقع نيها في زبرها
اطب لها في زمة الجلب واختار =واشوف مايبنا الشحم في ظهرها
ارجي جناها لامن جا واخطار = ونحوت سمن شاهدي من حضرها
مع ذا لاجا العصر صحون بها بزار= وشحوم ضأن اتبعثر بثرها
اجمع بني عمي ولانيب جضار = جمعت بني عمي لعيني نظرها
اللي مكذبني عسي ابوه للنار = وان كنتنا الكاذب فانا في زمرها