[معلومات العضو وريث المجد]

يامرحباً ترحيبة الطش والرش ** يأم العيون اللي هدبها مراييش

يامرحباً ترحيبة مابها غش ** أحلى من الماء للكبود المعاطيش

ترحيبة الولهان من خاطر هش ** في شوفتش عقب النيا والمطاريش

ياللي لمفجوع الهوى الموت ينعش **حبش وبعدش موت مافيه تفتيش

ارحم محب في غرامش تبلش ** شاف العيون وشاف سود العكاريش

وشاف الجمال اللي مع الناس يدهش **يسبي العقول ومن صعيب المناويش

الموت في لحظة عيونه ليا أرمش ** ولولا الرجا فيها فلا ظني اعيش

يازين مامثلك يبي لبس رشرش ** ان كان قصدك زين ماعاد تبغيش

الله عطاك وكملك يالموحش **يالريم ياللي مرتعك في النشانيش

على اشقر للخرب مايبعدالنش ** يهوي عليه وضربتة تنثر الريش

وجدي عليها وجد من نطل العفش ** وهجت ذلوله يوم غارو هل الجيش

والطرش هج من المغيره مخرَش ** وصاح الصياح وقيل ياهل القناطيش

وفزعوا مروية السيوف المعطش ** وركبوا على قب المهارالمداغيش

لكن خلي وربعه مادروا وين هو طش ** حالوا عليها مبعدين المغابيش