بسم الله الرحمن الرحيم
أشكر الاخ العزيز/ عبدالله بن قـــــويـــــــد حفظة الله
بترحيبه الذي اعتدنا عليه بعودة الأخوة الأعزاء/
أبومبارك - وابو عبدالرحمن الودعاني . . .
والله لا يغير علينا دائماً . . . ونكون أخوة في السرا والضرا ...
وبهذي المناسبة احب أقول هذي القصيدة الترحيبيه :-
بسم الولي الخالق المعتلي فوق
ربٍ تحكم في تصاريف الأزمان
نبدأ القصيد وكل مطرود ملحوق
ويالله تثبتنا على درب الإيمان
يا مرحبا ما تبدي الشمس بشروق
وما غاب نجمٍ بالليالي وما بان
وإعداد ما تاضي سماء نجد ببروق
وإعداد وبلٍ هله المزن ودان
وإعداد ناسٍ بالهوى هزه الشوق
وما غرد القمري على روس الأغصان
بميرنا اللي بالوفا معتلٍ فوق
فوق الثريا ما وصل مثله إنسان
ابومبارك عريب الجد ماهوب مسبوق
بالطيب يسبق باللوازم بليهان
ابوعبدالرحمن الحر الصخي عالي الذوق
ما جابه ألاَّ حظنا راع الإحسان
ترحيبٍ أحلى من درر بكر النوق
من ربعي اللي باللوازيم شجعان
تمت وصلوا عد ما ينبت عروق
على النبي المصطفى نسل عدنان !!
وسلامتكم !!