هذا ماقاله ابن حمير في الامير محمد بن أحمد السديري رحمه الله والقصيدة ستكون في نهاية الكلمة
الاهداء.....
الى ابناء معالي الامير الشاعر العبقري المرحوم محمد بن احمد السديري يرحمه الله لما له من مكانة عالية في نفسي خاصة وفي نفوس الدواسر ومعظم شعب الجزيرة قاطبة...ابو زيد الذي بنى مجدا شامخا للزايدية قولا وفعلا لاتبيده الليالي ولا الايام ومن امثلة ذلك قوله..
لعل قصر مايجيله ظلالي=ينهد من عالي مبانيه للساس
لاخاب ظني في الرفيق الموالي=مالي مشاريه على نايد الناس
لهذا السبب اهدي نفحه زايدية من شعر الدواسر وشيء من شعري..اقدمها بقصيدة قلتها في معاليه عندما طلب من الشاعر محمد بن زبن بن عمير العتيبي (يرحمه الله)الذي كنت احضر معه في برنامج من البادية في محطة تلفاز المملكة العربية السعودية(القناة الاولى)عام 1393هـ الموافق 1973م
طلب معاليه من الشاعر ابن زبن حضوري لديه في مقر سكنه بفندق صحاري بلس آنذاك.فحضرت بالفعل عصرا في مجلسه العامر بأصحاب السمو الملكي الامراء وكبار شعراء الجزيرة..والقيت بين يديه قصيدة قد زكاها الشاعر الكبير البحر احد شعراء الملك عبدالعزيز (يرحمه الله)وتلاه بالتزكية الحضور ولما لهذه القصيدة من اثر كبير في نفسي في حب ابو زيد ولا عجاب معاليه بهذه القصيدة وضعتها مقدمة في ديواني الجديد (المجموعة السابعة)فذلك حسبي وكفى.والله المستعان.والقصيدة بعنوان سالم يابو زيد ريف الهزالي.
سلام ياشيخ عزيز وغالي =محمد الأحمد ولاله حتينا
سلام يابو زيد ريف الهزالي= من شانكم ياسيدي به عنينا
سلام احلى من حليب المتالي=لك يافخرنا ياذرانا الحصينا
الذ من صافي قراح الزلالي=هله على روس النوايف غشينا
في وقر صوح لاجي له ضلالي=بلسم على كبد القريح الحزينا
مني يخصك ياعشير الرجالي=ياللي تفوق ابطيبك الطيبينا
افخر بفعلك لاحصل له مجالي=فعل ينومسنا بعسر ولينا
الشاهد الله من قديم وتالي=ان حبكم واجب ولزم علينا
حنا بني عم على كل حالي=وانتو فخرنا من قديم السينينا
من عصر ابن بدران حزب اموالي=وامجادنا يفخر بها الفاخرينا
شيخ بنا مجده بروس العوالي=وزدتوا على البنيان بني مكينا
فلو الجماد يعد هول القتالي=لاكان وادي برك عد اليقينا
وقوز الشريف ومحتوى من رمالي=وماسال منها من يسار ويمينا
ومارد قاصي خرب واشمل شمالي=الى الخرج ماينزل بها الطامعينا
تشهد لمن رووا رهيف السلالي=عوق الخصيم وملتجا الخايفينا
نرسي كما ترسي رواسي الجبالي=ولو نبنا حيد من الهضب جينا
لازعزع الشايب يجيك العيالي= واللي حموا جداننا له حمينا
قصيرنا ينزل بها ميبالي=وان جاه سو من جداره ودينا
ناسم عصاه ونرقد بالحلالي=سلم بنوه اجدودنا لولينا
ارجوا المعذرة في ختام المقالي= انا بجهدي وانت من العاذرينا
واسلم لنا وايام عمرك طوالي =لاما التهمنكم بحال نصينا
وصلوا عدد ماهب نود الخيالي=على نبي خاتم المرسلينا