[معلومات العضو بشير بن نايف]

الـــــــســــلام عليكم ورحمه الله وبركاته
وبعد:


الشاعر فيصل سعد المسعري بحاجه تصويتكم يا الدواسر في مسابقه نجم القصيد





على قناه نجوم4 ويبي وقفتكم يا هل الوقفات والشاعر جزل ويبيض الوجه ونبي وقفتكم


للتصويت


ارشح ق16



: موبايلي 6910


الكويت : Mtc 988311
: الوطنية 1723



وهذه قصيدته التي شارك فيها في الحلقه الاولى :

ليا من هلّ همّال المخيله = على قاع القصيد وسال سيله
وزانت واكتساها الشعر حتّى = طغت حسن بملامحها الأصيلة
تعيّن كل شاعر يرتقبها = متى ما تورق اغصان الخميله !
وانا آنوب الكويت وجيت اشارك = ممثّل للكويت وللقبيله
عسى ربّي يجمّلني بعيني = وعين اللي يعرفون الجزيله
تجمّعنا على مقصود واحد = بليله بس ماهيب أي ليله
مع رجال الادب واهل الثقافه = مفرّقة الخفيفه والثقيله
على متسابق الشعر يتحيزم = وفي نجم القصيد يعنّ خيله
وانا احمد ربي لساني حصاني = وينبيكم عن حصاني صهيله
ليا من قمت .؟ قمت القومه اللّي = تعزّ الطيب وتذلّ الفشيله
ما عاد ارتاح لين آصل مرادي = واجرّ الصوت في راس الطويله
كذا من يوم ما ربّي خلقني = غرامي كل حاجه مستحيله
زهمت الراس واستسهل طموحي = وقال اطمر على ظهر الكحيله
نصاب السيف ماله شخص غيرك = بعون الله ما غيرك يشيله
والى من خيّبت الايام ظنّك = تكفيني مواقفك الجليله
وانا ؟ يكفيني اليا من درى بي = خليل ٍ راح واقفى . عن خليله
بعد ماضاع قلبي من غيابه = وخلاني وانا عيني .. تخيله
يعيش الحلم ويموت بعيوني = وأعّزي الحلم . وآدوّر بديله
ولا القى غيره الحلم الحقيقي = تراكض له سنيني .. وتحبي له
ولكنّه عسى ربّي يبيحه = قتل .. مجمل الأحاسيس .. الجميلة
سكّني الحزن . وإستوطن خفوقي = ومسافاتي على رجلي .! طويله
وانا من كثر ما ملّيت . حتّى = حمام الشوق .. ما يغري هديله
ليا شفتوه قولو له تراني = تعبت ولا بقى فالشوق .. حيله

وتسلمون





ولا تخلووووووون ولدكم يا دواسر ولا هنتوا