[معلومات العضو غلا نجد]

حالي طوتـه الليالـي طيّـة الشنّـه = و لا حدٍ غير ربـي يـدري بحالـي
يالله ياللي خلقـت النـار و الجنّـه = يا مالك الملك يا رحمـن يـا والـي
تلطف بحالي و تحييني علـى السنّـه = يا من إلا من ذكرته ينشـرح بالـي
همٍّ تمكّن بقلبي مـا أقـدر أكنّـه = الصبر ينقص و زاد البعـد غربالـي
أوقف و قلبـي خطاويّـه يسوقنّـه = سوقة غريبٍ توقّف بيـن الأطلالـي
لا من تذكّر ربوعه جـرّ لـه ونّـه = راحت سنينه و هو عن ديرته جالـي
الصاحب اللي أبيه و لا غنـى عنّـه = ما أحدٍ يساويه لا الأول و لا التالـي
بعيد عني و من غلْيِـه أحـسّ إنّـه = بين الضماير لحاله حسـن الأقبالـي
أحتار لا جيتنا بأوصفه مـن كنّـه = انا أشهد إنّه بميـزان الغـلا غالـي
و عزّي لمن كان مثلي ما ضحك سنّه = و إن نامت الناس يبطي مرقده خالي
ما به صديقٍ يجي ظني علـى ظنّـه = يا قلّ من ينفعك لا حـدّك الجالـي
دنياً توطّـى حـدٍ و الثانـي تحنّـه = يا كثر ما طوّحت من منزلـه عالـي
أحـدٍ تمنّيـه بحلومـه و لا جنِّـه =و أحدٍ يعيش الرخا من دون مكيالي
يالله عسى ما احـدٍ يلحقنـي بمنّـه =و أموت ما أحتجت يا ربي للأنذالـي