[معلومات العضو أبوفهيد الودعاني]

مرت بصرير بن سمران العرجاني ظروف وقد مر ببلد صديقه محمد بن بداح المصارير فلم يجده إذ كان مسافراً فقال هذه الأبيات

على بلاد محمد مر بي فال=ولاوجدت محمد في محله
والا محله للمناعير مدهال=واهل الوفا لامن حضر ماتزله
له مع رجال العرف مخرج ومدخال=والحمل لامنه برك له يشله
بأسلوب ودروب تعيبات وطوال=كسب المراجل دايم عادة له
يقوله اللي بايع قرب الانذال=اللي حقدها للقريّب تشله
يجزع على الاقصين في بعض الاحوال=لاصار في دنياه ماله وخله
ماكل رجال على الاسم رجال=لوكان يلبس له عقال يتله
الاسم يبغى قول يثبت بالافعال=والحمل يبغى واحد يحتمل له
سواه ابن بداح والحق ينقال=قرم صعيبات المراجل هوى له
من لابة في حزة الحرب جهال=وعقّال في درب الوفا والمدله

وقد قارضه ابن بداح بهذه الأبيات

عسى بلاد صريريسقيه همال=سحايبه بأمر الولي مستهله
راعي بيوت محكمات بالاقفال=جتني وانا مردودها قاصد له
ابهمتها ياطيب الجد والخال=وخليت قلبي للروابع تمله
ليتك شرحت اللي تكنه على البال=وانا لزومك لوقسى حاضر له
من لانفع بالضيق لاشلهب اللال=حمل الرخا يشبه سلوك المهله
وابوزويد يافتى قد قال=ومن العوارف تستقيم الادله
الحمرة تدرك معيشه وتحتال=والرجل له ميقاف صعب يزله
لو زلته الانذال ياقف به ابطال=اللي لها كسب التنافيل مله
ولا كل من شد الرحل للوفا نال=يكون من توفيق ربه يدله
ومن جرب الدنيا توريّه الاهوال=ويشوف شئ مايوافق رضى له
وان شفت والا عفت من بعض الاشكال=خل العفون بدارها مستفله
شذابة العرقوب ونفوس ثقال=ضعاف العزوم من المراجل مقله
ومن عاش بالحيلات والقيل والقال=يصبح مهان وفي حياة ممله
والرجل له هومات واقفاي واقبال=ولايقبل الهزلة تجي في سجله
يشهر لكسب العز في راس ماطال=والله ضمين الرزق بالكون كله

[/poem]