[معلومات العضو ماجد المهنا]

بسم الله الرحمن الرحيم

السلام عليكم ورحمة الله وبركاتة

.
.

متواضعه أتمنى أنها تحوز على رضاكم

.
.

<< الدواسر >>

يقول : ماجد المهنا = مثايلٍ فيها معنى
فرايدٍ من ضميره = حكرٍ لذربين المجنا
أصوّغها واتنقاها = يطرب عليها سامعنا
لذكرت بلسان الراوي = انجمّلها وتجمّلنا
قولٍ عندي له دلايل = وثّقناه بْفعايلنا
الجاهل واجب يدري به = والعاقل ماهو يجهلنا
حنّا خطلان الآيادي = دسرٍ حمرٍ مضاربنا
(زايد وتغلب للعليا = دواسرٍ كتايبنا)
نارد حياظ المنايا = فالحرب نْقيد جملّنا
محدٍ من اعدانا قفّى = فَرّح بناقه من ابلنا
الا يجرّ اذيال الخيبه = خفّت عقله بنادقنا
أن جات للجاه فحدث = عنّا والعليا تنصفنا
حنّا هل الأبل الندّر = تذكر لا منّا ذكرنا
ما شريناها من تاجر = ورث اجدود ومكاسبنا
وحنّا هل الغرس المحمي = برماح الموت وعزمّنا
أكرم من الغيم وغيثه = وان عطينا ما نشدنا
بحرً غزيرٍ ماينضب = نروي القاع بْمكارمنا
مْن أولٍ سد مآرب = محدٍ بحدوده خاشرنا
واليوم ينبيك الوادي = اللي مسمّى بأسمنا
الدخيل ان جاء عصاته = نآسم عليها وسمّنا
يدله في دار النشاما = يرعى ذوده في حرمنا
وأكبر دليل ابن مطرّف = يومه جلّي ثم زهمنا
واتعذروه اهل الشيمه = لكن حنّا ما تعذرنا
خايف وجلينا خوفه = خضنا لجله وقايعنا
وأمنْه الله بْأمانه = بانت غرٍ صنايعنا
طاح الشريف المسمّى = ودولته من سواعدنا
جانا ضرير ومايسمع = داويناه بطرايقنا
وصيب وسيّم العامريّه = أن حسبنا ماحسبنا
أم لسبعه وأخت لتسعه = راحوا فرسة مخالبنا
غنّت من لقعات وحرّه = هيضا ماقد سمعنا
وخيرناها بذودٍ والا = بأطيب نخلٍ من نخلنا
واختارت منهم ماختارت = يوم الأمجاد أختارتنا
(اتوسّع يا برك اتوسّع) = لو سيلك يروي عطشنا
بالهنادي غيّر لونه = سيّل دم إلى سيّلنا
من روس اعدانا بنينا = سورٍ على مرابعنا
شفنا يا سهيل اليماني = لان لك لمعه وتذكّرنا
بحديدٍ غير الحدايد = يقدح لامنا حربنا
ان جيت الجماجم في واره = سلها عنّا بتعرفنا
شبْع الطير وخذ زهابه = منها ماقذّت جهدنا
حنا هل العلّم البيّن = سطرنا العز وخلدنا
أدينا الجار بجداره = من هو عليها سبقنا !؟
عشنا نسعى للشكاله = كن الجزله خلقت ألّنا
قلته بلساني عن ربعي = وكل من هو له عرقٍ معنا
(آلاد شكر) اهل القيمه = نفرق ويفرق شبرنا
فكينا الست الركايب = ماذلينا ولا انكفنا
قصيرنا كلت رمحه = الأرضه من طناختنا
وكلن له تاريخ وفعله = لا جحفّنا ولا بخسّنا
واختامها ياهل الطاله = اعذرونا لا قصرنا
وصلوا على من دعانا = للأسلام وحن اسلمنا

.
.

<< ماجد المهنا >>