[معلومات العضو الزين]

ياللي تبـي تاخـذ علومـي وتبحـث خفـاي =مانـي بمـن قـوم ذي هتهـا وذي ودهــا
لاصـار مامعـك لاهرجـه ولامـعـك راي =فعلومـك اللـي تضيّـق خـاطـري لـدهـا
باجيك دمت اقدر اخفي ضيقتي فـي حشـاي =وأروح لالحقـت الضيقـه مـعـي حـدهـا
وإن رحت وإن جيت ماانت بدراي ٍ وش وراي =مثـمّـن كلـمـتـي ومـثـمّـن ردهـــا
لو إن مانـي مشكّـك فـي غـلاك وغـلاي =المرجـلـه لابنـاهـا الكـفـؤ مـاهـدهـا
لكـنّ انـا ودّي انـي مـن خـلاي بخـلاي =وشـلـي وللـنـاس معطيـهـا ومرتـدهـا
ولاتحـسـب ان الليـالـي ملحقتـنـي وزاي =تخسـى ظـروف الليالـي لعنبـو جـدهـا
ودنيـاي لـو إنّهـا ماجـات علـى هـواي =لكـنّ مـن فضـل ربـي واطـي ٍ خـدهـا
وان كان تبغى النصيحه خـل مـاي بسمـاي =ترانـي اغلـي هـل الـطـالات واودهــا
اللـي مواريدهـا بالعلـم تقـطـع ضـمـاي =لاقـل ملـح السـوالـف وانـعـدم جِـدهـا
ماانته بمكلوف في صحّـي ولافـي خطـاي =كانـك تحسّـب ذنـوب الخـلـق وتعـدهـا
وانـا مااقـول انّ مافـوق البسيطـه سـواي =يامـا ويامـا رجـال ٍ ماانكـشـف سـدهـا

للشاعر / سعد بن مناحي بن شفلوت