قصيده للشاعر سعود بن فلاح الحراجين الدوسري :
عسي الله يسهل الي نوينا علي المظهار =مشينا بدبرة عالم الغيب والنيه
قضيت الحاجتي من البلد طايع مختار = ابي شوف بدو ربعوا في طرف حيه
يازين شوف البر في مقدم الخضار = وقت الشتاء والعشب شبعت رواعيه
ويازينهم لا كل روض غدا خضار = متخالط عشب السهل مع نوازيه
علشان راعي الذود في نيته يختار=في مرتع خالي من عقب وسميه
يازين شوف الطير لاهده الصقار = طالع وكاد واطلق السبق راعيه
يازين صك النجر لامن لفوا اخطار = يصكه غلام ماضرا بالمعذريه
قلتها وانا من لابة ماتحس الجار = نهار الملاقا تعتزي بالحريجيه
صلاة ربي عد ماهملت الامطار = علي النبي اختامها واسمحوليه