جيشنا في بدر بـدع وجّـوْد فـي أحـد
قطع روس الشرك بيمانا يشفي الغليـل
طعننا صوب الكلـى والحشايـا والكبـد
وضربنا بالسيف الاجرد على راس القتيل
مانهاب الموت لو كان في شدق الأسـد
باعت الأرواح في سوق يسلم من يشيل
وشبعد تطلب نحدثـك عنـا وش بعـد
أقصر الهقوات تكفى ترى المسرى طويل
شيخنا لوجاك شوره تقـل يـازن بلـد
وطفلنا من جودة العقل جا شيـخٍ ثقيـل
والنميمه والخنـا سوقهـا فينـا كسـد
ما تسمعنا لهرجـة حقيـراً قـال قيـل
مـا تغزلنـا بسلمـى ولانـوف ورغـد
ما تغنينا من الوجد بالطـرف الكحيـل
أرتضينـا منهـج الله وبايعنـا الفهـد
وانتسبنـا للحنيفيـه الديـن الأصيـل
صح السان الشيخ عايض
لاهنت ياغالي على النقل
والى الامام
دمت بكل خير
تقبل مروري