قصيــــــــــــدة اكثر من رائعـــــــــــــه للشاعر فهد الديري الحربي
تعبت أجامل نفوسن ماتجاملني = وادفع بالأحسان سيتها واجاملهـــــــــــا
حساس والهرجــــه العوجا تزعلني = وياكثر ماامهل لها وياكثر ماأهملها
لوكان مردودها ماهو بجاهلني = لاشك اقدر مقــــــــــــــــامي واتجاهلها
طيب وابيها مع الطيب تجملني = وادري سفيه العرب من شان عاقلها
وامثل اسم الشيوخ اللي يمثلني = واقول انا اكبر من الكلمه وقايــــلها
والا لو القصد حجه من يجادلني = والله لخليه مايقـــــــدر يكمـــــــــلها
وطالت وعرضت وانا نفسي تشايلني = وبلشت بالناس عاقلها وجاهلها
وشرهت علي الثعال العمي تاكلني = وانا الذي من عفنها أشوم ماكلها
وهذا خطايه قبل غيري يسالني = الناس مــــــــفروض انزلها منازلها
لومن تمادي وصلته قبل ياصلني = ما كان يمديه عرضـــــها وطولها