من نجد سجت الرجل ما احسب للاكلاف
مـن دار ابـو متعـب وكلـن خبرهـا
دار الرجال اللي علـى المجـد وقـاف
اخوان نـوره درعهـا اللـي نصرهـا
للجـود وهـابـه و للـحـق سـيـاف
ذخر الرجال اللي ربـح مـن ذخرهـا
ذعذع هـوا الغربـي ذعاذيعـه لطـاف
فـي ليلـةٍ ظلمـا قـد انحـى قمرهـا
طرا لي الممشى على ذيك (الاسـلاف)
شمـال شـرقـي نيـتـي واخبـرهـا
كن الخفوق مـن الفـرح فيـه خفـاف
يكتـب وينظـم والبيـوت يحصـرهـا
سـلام منـي عــد وبــال هـتـاف
اعذب مـن صـدوق المخاييـل وارهـا
وسميـةٍ هلـت وجـايٍ لهـا شـعـاف
تنقل خفـاف البـذر وارخـت مطرهـا
ثم صـارت البيـدا بساتيـن و اريـاف
متخالـط عشـب الفيـاض وزهـرهـا
يفوح فيه الهيـل مـن كـل الاصنـاف
مـن دلـةٍ بــن اليمـانـي ذعـرهـا
من جودكم ياهل الكرم واهل الانصـاف
وبيض الصحون اللـي تملـى سفرهـا
يـوم الليالـي شـح وايامهـا عجـاف
كـم دولـةٍ جـود الصباحـي غمرهـا
اخوان مريم لا اعتـزوا دون الاسـلاف
دكـوا عمايرهـا علـى اللـي عمرهـا
من هازهم يـوم اللقـا صابـه ارجـاف
ولا احـد يلومـه لـو تجـرع كدرهـا
واللي يبـي منـي مضاميـن واحـلاف
اقـول لـه منـي تفـضـل وزرهــا
لـو بستمـر بمدحكـم شيـب الـقـاف
لكـن هـي كلمـه وانـا بختصـرهـا
والله ونعـم ونعـم ماطـاف طــواف
ياهـل الكويـت اقولـهـا واعتبـرهـا
صح لساانك اخ عبدالله العصيمي قصيده اكثرمن رائعه
ويستاهلون اهل الكويت
الشقرديه