الســلامـ عليكمـ ورحمه الله وبركاته
لقد نشرت هذه الابيات في منتديات ال الحسن في
ردي على موضوع لاخي / سلطان بن دخيل الله تحت معرف " بن مقعد "
والان انقل لكم الابيات كما انزلتها هناكـ وقد يكون هناكـ اختلاف في
روايت الابيات او اني فسرت الاسماء حسب علمي ( الضئيل )
ولا اطيل عليكمـ :
ابيات لرميزان بن غشـــام قالها بعد معركة وادي برك يسندها على ( جبر بن سيار ) : -
جـزا الله بالحسـنـى رجــال شــدت لـنـا=روات المسـاعـي بتـنـا فـــي نشـيـدهـا
بـداريـن الـلـوى مــن روس لابـــة=خميسية1 في عامر2 في زايد3 عن يزيدها
جـــزال العـطـايـا لـمــن يستـحـقـهـا=جــرد السبـايـا ونــص مــن زهـيـدهـا
قبـيـلـة يـــا جـبــر4 أوي والله قبـيـلـة=بـمـصـادم الأفـــات لـمــن يـريـدهــا
حنـا لهـم درع وهـم درعنـا عـلـى الـعـدا=أولاد الخميـسـي5 مــع ضيـاغـم سعـيـدهـا
وحنـا إلا عــدوا الـعـرب أصــل الـعـرب=نـرسـي كـمـا تـرسـي مشـاذيـب حيـدهـا
سعيديـة6 يـا جبـر عـلـى الـصـدق والـوفـا=يعيشـون مـا غيـض جارهـم مــع حفيـدهـا
ال زايد مـن لامنـي فيهـم يبـلا بشرهـم=يـردون كـمـا تــرد الضـوامـي عديـدهـا
يعطـون المجـورة يـا جبـر إلا جـار بالـوفـا=يـزيـدون فـــوق الـهـقـاوي مـزيـدهـا
نعـم بهـم يـا جبـر علـى الطـيـب والنـقـا=اسـود عنـد المـلاحـم والمـعـارك تجيـدهـا
ونـبــارز ولـلـحـرب يـتـعـب قبيـلـهـم=كــم نزلـتـن خـلـوا عـمـدهـا بـديـدهـا
ربــع إلا جـــار الـعــدو زاد جـورهــم=بمذلـقـاتـن الأحـــد صـافــي حـديـدهـا
لهـم هـدة كمـا قــال ابــا زيــد7 هـدهـا=كـم فـارس تقصـر هقوتـه عـن مـا يريدهـا
عاداتهـم يـا جبـر مــن تـنـاول حـدودهـم=خــوض المـنـايـا والـمـعـارك عـيـدهـا
صـبـح سبـيـع عـامـر 8بالخـيـل والنـضـا=إلـــى حـضـرهـا مـالــك الله يـعـودهـا
أقـول علـى مـا قـالـت وسـيـم العامـريـة9=سبـيـع جـضـت مــن مـصـادم ضديـدهـا
تقـول مزنـة تزبـر فـوق بــرك10 وأمـطـرت=دســة اخــذى الخـيـل فـهـو يـريـدهـا
غشاهـم عـجـاج الخـيـل وضـيـم وضـمـا=تنـوح سـمـر الجـدايـل عـلـى عضيـدهـا
تـبـكـي هـــل الغـلـبـا11 لا واسفـابـهـم=جـضـع المـنـايـا والأفـاعــي تبـيـدهـا
يـا لـوف قلبـي لـوف مـن لافــة الـحـزن=حـزن تجـدد مــا عــاد يـبـري عطيبـهـا
علـى سبعـة عـيـال مــع تسـعـة أخــوة=مخـالـب الأفـــات والمـنـايـا تصيـبـهـا
جونـا كمـا سـيـل غـشـا جــوره القـشـع=اغـنــاه الجـمـاجـم وسـبـايـا يبـيـدهـا
ال زايـــد لا أبــعــد الله دارهــــم=عامـر12 يـقـود الخـيـل وهــو عقيـدهـا
يـا حـر قلبـي حـر مــن لاحــه الضـمـا=عـلـى ضـدنـا اخــذ الـنــار نـزيـدهـا
فاجـاتـنـا النـكـبـات وفـاجـنـا الـغـبـن=كــم عـنـدل تـنــوح مـمــا صيـبـهـا
تـقــول يـــا خـضــران لا واسفـابـكـم=راحــوا شـتــات والأجـانــب تسـيـدهـا
وختامـهـا مـنـي صــلاة عـلـى الـنـبـي=اعـداد مـا غنـت الورقـا بعـالـي جريـدهـا
1- احد اجداد البدارين وهو خميس بن عامر بن زياد
2- عامر بن زياد
3- زايد الملطوم جد آل زايد
4-جبر بن سيار وهو الذي يسند عليه الابيات وهو من اصحاب رميزان
5-اولاد الخميسي من عزاوي البدارين وايضا قد يكون خميس بن عامر نسبه اليهم بقوله الخميسي
6-سعيديه يقصد ال بو سعيد من بني تميم ربع الشاعر
7-ابو زيد الهلالي الفارس المشهور في اساطير اهل نجد
8-سبيع بن عامر بن صعصعه قبيله مشهوره
9-وسيم العامريه ولها ابيات قالتها تمدح ال زايد وتخص المبيعيج بعد ان قتل ابنائها واخوتها
10- يقصد وادي برك
11-الغلبا لقب لقبيه سبيع
12- عــامر الضمين قائد الدواسر في تلك المعركه