السلام عليكم ورحمة الله وبركاته وبعد أقدم لكم هذه القصيده وكلي أمل بأن تحوز على رضائكم والشكر موصول لمن مر من هنا وسجل تعقيبه وتوقيعه
مايوسَع خـاطـري لازعلت من القـعاد=كون سجَات النفس في الفـجـوج الخالـيـه
فوق جيبٍ لامشـى فـي عتش وإلأ حماد=يشرح الخاطر مـسيره ويـسعـد حـالـيـه
جيب فيكسار الفخامه هـوايه والـمـراد=مركب الناموس وأهـل الـنفـوس العـاليـه
زين تلَه لاغفى اللـي هوى حلو الرقـاد=صـوب دارٍ عند أهـلـها وعـندي غـاليـه
ديرةٍ ربي سقاها مـن الـوسمي مـداد=لين صارت جنَةٍ عـقـب ماهـي بالـيـه
أتمشـى بين ريضـانها والعمـر مـاد=وأكحل عيوني بشـوف الفـياض الحالـيـه
رغبتي وأحبَها لازهقـت مـن البـلاد=رغبةٍ تبعد دغـش عـن قلـوبٍ سالـيـه
وليلةٍ في البر عندي كما ليل العـيـاد=ليلةٍ ترفـع رصـيـدي وروس أمـواليـه
مع تحياتي للجميع أخوكم دغش البطي