يا مدّعي بالصراحة وأنت منتب صريح=بعض المباني نوايا الهدم في ساسها
تبحر بك السفن في بحرٍ مجاله فسيح=وتقيس لك غبةٍ ما يعرف قياسها
فعلاً نجحت وخذيت اللي تبي يا مليح=من عالمٍ تجمع الإخلاص بأحساسها
حنا ملكنا المكارم في الزمان الشحيح=وأنتو ملكتو ضمور النفس وإفلاسها
حنا فعلنا الجمايل واكتسبنا المديح=وأنتو سلبتو هنوف النبل والباسها
حنا نداوي ضميرٍ من زمانه جريح=وأنتو تسموون بالطعنه وجساسها
حنا رجال المراجل بالكلام الصحيح=وانتو عبيد المصالح واضحٍ باسها
حنا لنا طبع سامي والعزم ما يطيح=وأنتو لكم هزلة الأطباع بأجناسها
اللي يكرمكم من الذل رجلٍ قبيح=مثل الجزم تحمي الرجال لا داسها
الشاعر : حسن بن عبدالله بن بطحيّة الجماعين الوداعين الدوسري