اقتباس:
المشاركة الأصلية كتبت بواسطة ابن ذيب الودعاني
الاخوه الاعزاء هذه قصيده للشاعر الدندان قالها يستغيث الله ان ينزل المطر بعد ان مسهم الدهر واجدبت الارض وغالى التجار في الاسعار:
رقى في الضحى الدندان في مرقب لاعاد=رقى في طويل مقورات المعازيلي
بدا باسم ربه قبل مبداه في الانشاد=وذكر طلبة الله قبل بدع التماثيلي
صحيح والحَه كثر مايحصي العداد=على حاجة وارجي عطاياه تجري لي
فيالله بليل مايخفه نسم الانواد=حقوق يشقق ماه غور الغماليلي
بكر ليلة الجمعه بفضل الكريم وصاد= وتعاقب عليه مروحات الشماشيلي
تقصف رعوده لين زل الربوع وعاد=غدا الما بياضه في مزونه هواشيلي
تهشم على الفرشه مع حزة المهجاد=خذا رد عشر في غضي مهاجيلي
عروض سحابه,يلتعج بارقه,منقاد=يخلي مع بيض المحاني مغاييلي
من العرق للهجله قنيف من الرعاد=وعلى عبلة الجزلا بردها حزاويلي
تحدر على روس الغراميل ماه قصاد=يدك الهمل من باردات المقاييلي
جثيله على قمرا يطره ثمد مغماد=ربابه كما زرق الجمال المحاميلي
سقا دار شياب العثانين كل سناد=دنين العبس فيها كما بنة الهيلي
طوال الغوارب تلحق القن كل مراد=كبار الفقار محجلات العسابيلي
بعد نيها حطت كثير المسير اوناد=تطاوى هشيم من عضاها مهازيلي
سقا عدها الوسمي له السيل يافهاد=سقا الله سقته مزلزلات المخاييلي
وياماحلا شوف المواري عليه جداد=تخالف مشاميس والاخرى مظاليلي
تقود الصدير وذي تجي كالمحوص اوراد=تبي عرفة فيها المها له مقاييلي
فيارازق اللي مايبي طاري المسناد=ربيب لدار وشرعتي في مداهيلي
شوانا الدهر واغلى علينا الحضير الزاد=كلونا مصرفة القروش الدلاليلي
عسى الله يحيل العسر منا ومن الاجواد=برزق تلين به الكبود المغاليلي
وسلامتكم |
تهشم على الفرشه مـع حـزة المهجـاد =خذا رد عشـر فـي غضـيٍ مهاجيلـي
ياسلاااااام على هذة الجوااهر النااادرة مفردااات ناادرة وكلام يسلب الالباب
الله يبيض وجهك يابن ذيب على الاختيار الرائع فعلا والاطاار المناسب للقصيدة
تقبل تحيااتي
عبدالله بن عريمة