كيف تصحى قلوب أهل الثرى والقبور=وكيف تنبت ثرى أرضٍ مفترشها الجليد
إن جفتني صدور فهي بئس الصـدور=وإن حوتني صدور فـكل صدرٍ حميـد
بين ضحك الثغور وبين طعن الظهـور=استطعت العبور وصار عظمـي حديـد
ماشرب ضامي الماء من هماج البحور=ولايتأخـر لبيـب .. ولايتقـدم بليـد
ولايحك المعادن غير صلـف الأمـور=ولايحل المصاعـب غيـر رأي سديـد
ولايدوس الخطر ياكود رجـلٍ جسـور=والحمـول الثقيلـة مالهـا الأ العتيـد
والرخاء يجمع الخلان من كـل طـور=والشدائد محـك إلهـم محـكٍ شديـد
إن حصلك مكاسـب كلبوهـم حضـور=وأنت صرت العزيز وكل قولـك مفيـد
وإن حداك الزمان وبان فيه القصـور=كل منهم يروغ وصـرت بـرى بعيـد
ياطيور الخضار الوقت له وقت ويـدور=من يقدم عمـل يجـزاء بفعلـه أكيـد
والنتيجة تـرى ماعـاد فيـه معـذور=التجـارب دروس وكلـنـا بنستفـيـد
ولايتعثر عـزوم .. ولايتنـدم صبـور=ولايتأخـر لبيـب .. ولايتقـدم بليـد
صح الله لسان الشاعر ولاهان الناقل