الأمير مساعد بن أحمد السديري ـ
ولد رحمه الله في مدينة الغاط عام 1339 هـ
توفي رحمه الله صباح يوم الاثنين 25 صفر 1426هـ الموافق 4 أبريل 2005
تقلد رحمه الله مناصب عديدة من بينها إمارة تبوك في أول جماد الثاني عام 1375هـ إلي صيف عام 1391 هـ
تجسد حبه لتبوك في هذه القصيدة
الهوا الطيب ترانا خابرينــــــــه = ما يناسبني هوى جدة وماهـــــــا
من ورا خيبر وتيماء والمدينـــــة = ديرة ٍ يالله عسى الوسمي ســقاها
ماتمل من الملابس لومتينــــــــــة = بالشتاء والصيف معتدل هواهــــــا
يا وجودي وجد ركاب الســـفينــة = بغبة ٍ والموج يضرب في سناهـــــا
جزت من طرد الهوى زينه وشينه = مار عيني عذبتني من شقاهـــــــا
كيف يبلاني وانا كبدي حزيـــنة = آه من نفس ٍ شقاها من عناهــــــــا
يوم تطرا لي طواريها الدفينــــة = ينبعث جرحي وارضى من رضاهـــا
يا سعد قلبي معذبني حنينـــــه = لو بغيت أعصاه عيني هل ماهـــــا
من سبايب صاحب ٍ بيني وبيــنه = ما يخلي الطير ينزل من سماهــــــــا
رحمه الله رحمة واسعة وأسكنه فسيح جناته
المساعدية