[معلومات العضو نايف الخييلي]

الشاعر بصري الوضيحي من قبيله شمر شاعر معروف وأشتهر بالتغزل والشعر العاطفي

وبــأخر حياته صابه العمى فأصبح كفيف لايرى . وقال قصيده يطلب من ربه ان يرد عليه

نظره ويتمنى انه يشوف اقاربه وجماعته لانه كان شاوي ( راعي غنم ) بينما أغلب جماعته

أهل ابــل فكانوا بعيدين عنه فدعاء ربه بهالقصيده ان يرد له بصره لكي ينظر لمن أحرمه

العمى من شوفهم . ويقال انه بعد ماقال هالقصيده رد الله له شوفه فأصبح سليم النظر

والله قــــادر على كــل شئ ‘ ويقول بصري الوضيحي :

ياناصرً جيش النبي والصحابه= ومهزم أعداك اللى على الشرك عاصين
تجلى بياض أصبي عيني ومابه =واشوف شوف مطلعات الشياهين
عقب العمى تنظر منازل احبابه=واخصهم بالشوف لو هم بعيدين
يامحسن الدنيا لفتني اركابه =وقرب رحيلي من فريقً مقيمين
والقبر قلبي خايفً من عذابه= في ساعهً عنها الحوافير مقفين
ويروعون القلب مثل الذيــابه =اللى يقيسون العمل بالميازين
وانا ضعيف الحال مافيه جابه = وتنجد ًمن غير ربك ماهو شين
يامحسن الحسنى علينا مثابه =خلك لوغداني رحومن وبك لين
احرص بهم لاما يجون القرابه= مثل افروخ العش برصً مساكين
وداعتك نوره عذيً شبابه= لاتطلقه ترها خياله سلاطين
اللى كما نظم اللوالو عذابه = مع الطبايع خالطً عقلها زين
والله يأمن روعتي من عذابه=وياسمعينً طلبتي قولوا آمين

وســــلامـــتكم