اقتباس:
المشاركة الأصلية كتبت بواسطة بن حفـيـظ
السلام عليكم ورحمة الله وبركات
أسعد الله مساء الجميع بالخيرات و المسرات , هـذه قصيـده كتبها الشاعر الشيخ / حفيـظ بن عجب بن
فيصل بن حفيظ عندما كان بالسجـن وأهداها إلى عمه الشيخ / فيصل بن فيصل بن عجب بن محمد بن فرج بن حفيظ سلمه الله. وكما هو معروف عنه بالكرم و النخوة و الفزعه لكل من نصاه من قبيلته او
الاقبائل الاخرى .
سلام يا عمي عدد وبل الامطار = واعداد ما قالو من أجمل تماثيل
أبيات ببعثها من الحب تذكار = للطيَب اللي يرتكي للحلاحيل
فيصل ولد فيصل ذرى من له أختار = النادر اللي دايما يذبح الحيل
ذربٍ كريمٍ يسبق النَاس باشبار = ويفوز بافعاله على كل ما قيل
ذكرك ترى يسبقك في كل الاقطار = والناس ما تطري ياكون المشاكيل
يا عم أنا ما اشكي ولا أخاف الاخطار = واصبر ولو زادو علي المغاليل
صابر على ديني ولا والله انهار = وما دامني حي فلا لي ولا ويل
يا عم أنا راسي على شامخٍ ثار = يبحث عن العليا بدار المناويل
العز يا عمي ترى كسب الأحرار = والذل للي يتبعون المهابيل
هذا زمان فيه تحتار الأفكار = وتضيع فيه أفهام ناس دواليل
أبا الحصيني بالثنا في السما طار = والحر في سجنه همومه زعاجيل
السر باح وبيحه زود ما صار = في ذا الزمان اللي علومه غرابيل
يا عم هذي تذكره لأهل الأبصار = اللي يصيبون الهدف بالمراسيل
ترى المعاني تسبق أسباب الأشعار = والافعماني زحول الرجاجيل
جميعهم من نسل جدي ولا بار = من جده ابن حفيظ كالشمس وسهيل
واختامها صلو على خير الأبرار = رسولنا اللي ساد جيلٍ بعد جيل
اخوكم بن حفيظ |
الشيخ حفيظ بن عجب الشكرة ~ ~ هنا يقف القلم ويشمخ المجد وتعلو الهمم
شيخ تفخر به قبيلة الدواسر على وجه الخصوص وكل مسلم غيور
خطيب وعالم وشاعر وشيخ دين وشيخ قبيلة نسعد بذكرة
الله يعطيك العافية اخوي بن حفيظ على اتحافنا بقصيدة الشيخ حفيظ
وتقبل تحيات اخوك وابن عمك عبد الله بن عريمة آل ناصر