الى جميع اعظاء منتديات قبيلة الدواسر هذه القصيده عسى ان تنال اعجابكم اخوكم محمد
مايوسع خاطري عقب زحمات الرياض= والهجوس اللي الى جيت اركدها تهيض
كود شوف البدو لامن رعوا نبت الفياض= لاتقافوا للمرابيع من عقب المقيض
والسحاب الى ارتكز فيه براقه وناض= لا ادلهم وهل وامطر وهو نوه عريض
ما حلا لا شفت سيله على الريظان فاض= لا ارتدم به داجي الغيم من عقب النفيض
يا هل العرف السوالف طويلات ٍ اعراض= مير انا بابيّن العلم عن طب المريض
ما لقيت لظايق الصدر شي ٍ يستعاض= كود شوف اهواية النفس وافراق البغيض
ورفقة اللي طيب فعله كسا وجهه بياض= لا دريت انه رفيقي دريت اني حضيض