السلام عليكم ورحمة الله وبركاته
الشعر يابحـر مـن الـدر مكنـون = ياملهمه ياجزال الأحـرف والأوزان
ياأبداع حرف ونغمة لسان وفنـون = ياترجمان إحسـاس يانبـرة لسـان
يازفرة طروق القلـم لـو يقولـون = مالك بقـول فـلان وفـلان وفـلان
هاتي حروفك يالمشاعـر وممنـون = ومانيب في بدعك على الناس بلشان
شاعر كتبت الموج والبحر مسكـون = وأخذت من قاعه زمـرد ومرجـان
مجنون شعر وبه من الجن مليـون = لاقال حرف يهيض الأنس والجـان
يعني أنا لاقلت مجنـون مجنـون !! = في الشعر واجناني مهوب أية جنان
مطنوخ وأطنخ هاجسي قاف ولحون = وأروي خيالي وأشبعه جزل وسمان
وأسج في ليلي مع اللـي يسجـون = سجة خفوق من عناء الوقت عطشان
ياأعذب قصيدي والشعر بلسم طعون = ماقلته أرجي مال أو نظـرة إحسـان
هو قالنـي وأنـا كتبتـه وبلهـون = كني من أقصى الجوف أجره بالالحان
أرفع بصوتي لاهجـع كـل مغبـون = مرات أشيله حزن وأحيـان طربـان
وأرضي غروره عز وأبليس ملعون = وألبسه من غالـي الطيـب نيشـان
قدره كبير فـي خفوقـي ومصيـون =
ملاحظه : ترى القصيده للشاعر محمد الدوسري