قصيده لشاعر المبدع وقيان الدوسري
في الشيخ سعود بن عواد الصخابره
راكب اللي يعجب السايق مفزه = سايقه ماحول اسبيره يفكه
كن عجه بالحماد المبرهزه = مصنع اسمنتٍ قوي الصلب دكه
كن خطه في بياضه يوم اخزه = نقش سدوٍ من يدين المستصكه
جيب فكسارٍ صغير العين دزه= من مصانع طوكيو قوم المهكه
للمساري ذيب والمركوب رزه= والمواتر سبعةٍ والجيب الاكه
ماشريته غير بديونٍ ولزه = داينه فالحول عرقوبه يحكه
قال خذ عشرين مع خمسين مزه = واضرب المجموع في ثلثه وشكه
قلت هاته قبل مانفسي تكزه = يضمن الارزاق ربٍ عز مكه
ثم سقته صوب من ربعه تعزه = بالمراجل كاملٍ مافيه شكه
ضلع راسي والهبايب ماتهزه = درعنا لاصار فالايام ركه
باب بيته فاتحه في كل حزه = مشرعه للضيف ماقد قيل صكه
شيخنا سيفٍ حديدٍ من مجزه = ابن عوادٍ لاجا فالوقت لكه
عن فعول اهل الردى شيخٍٍ امنزه = جعل يبطي مايجي قبرٍ يضكه
والتحيه من ضميري والمعزه = قالها وقيان لاريبٍ وشكه