[معلومات العضو يحيى الودعاني]

ا

	الشاعر الكبير عبد الله بن حمير بن سابر الدوسري سبقة ترجمته في مشاركه سابقه , شاعر قوي ومبدع له قصائد رائعة وهادفة تدعوا إلى القيم الرفيعة , وإلى الأخلاق النبيلة , ومنها هذه القصائد : هذه قصيدة بعنوان ( كيف يكون الصديق) يقول عبد الله : بعض الملأ تغتربه حين يلقاك = تقول لاحدثك وش هل وليده فلا من بخصته ماسوى قشر مسواك = عنــــــد الشــــــدايدصاحبـــه مايفيـــــده حذراك يا مغتر في اللاش حـــذراك = لايغتــــرك لـــــو قال لك وش تـــــريده خلى الردى وختار مثلك وشـــرواك = اللــــــي كلامـــــــه مايخالف وعيــــــده فالقرم يصبـــــح لك عـــوين بدنياك = ياربح من ولـــد المجــــرب عضيــــــده تراه مثل القصـــر لاحتجـــت ذراك = تلقا الـــــــذرابة والفعــــــول الحميــــده وإلا الـــردى لا تكانـــه جنب يمناك = رمضــــــا حــــــرارتها دوما شــــــديده لاشــافك المحتاج يكــــره مــــلاقاك = وإن جت لــه الحاجة ســـريع بــــــريده ياخذ ولا يعطي على الكـذب صافاك = مـــن شان حاجته وحــــوشة امسيـــــده فلا صابتك القـــدار دبـــر وخـــلاك = كنه وفعـــل الطيب راعــــي الحــــديده لا خــر يعطـــــي و لا خيــــر جاك = تبذل به المعــــــــروف ويضيــــع سيده وله هذه القصيدة بعنوان (باذل المعروف ) يقول : من زعل من دون مايزعل ذلوفه = جعل مايرضا إلى يـــــوم القيامـــة يوم بار النذل ماهيب الحســــوفه = والحسوفه يــوم ماجازا الخمامــــه باذل المعروف في الجاحد كسوفه = مثل من يخزن شروبه في العدامه المــــجازا والمــثانا ما يشـــــوفه = مايعين من الردي كــون الندامـــة تاليتها البور مــع شح امعـــروفه = واجحدان الطيب مع قل الشهامــة لا طلبته قال ماتسمــح اظـــروفه = وان بداله لازم عجـــل همامـــــه من رفيقـه لاش ماطالت اكفـــوفه = عادة المفلول ما يجلى الغمامـــــة وله هذه القصيدة بعنوان ( راح الرجال ) يقول : راح الرجال وعقبهم حـــــل النـذال = هـذا زمان يالمجــــــرب مصيبــــــه حياتنا شفنا بـــــها بعــض لهــــوال = عـجايب لاشـــــك ماهــــي عجيبـــه فاشوف ناس بالكبــــر شـــدها مال = تمشــي ولكـــن مشيها فيــــه ريبـــــه ناس على غير القدا غــــرها المال = وامنــــولا مامنهـــم اللــــي دريبـــــه ارجــــال بالمظهــــر ولكنها أرذال = لا شافت الــدرب الـــردي ماتهيبــــه هــذا وأنا ماعــــم بـــــذم لــــرجال = اللـــي سنام الطايلــــة تعتلـــــي بـــه كسابـــــه النامــوس ذربين لفعـــال = اللي مواقفهــــم اعـــــزاز اصعيبـــه تصعب على اللي للمواجيب ماشال = المال عنــــده ميـــــر مابان طيبـــــه أبديتنا رأيـــي ووضحــــت لمثــال = كــل هاجــــــوس قلبــــــه يجيبــــــه وله هذه القصيدة بعنوان ( وابن الحمولة سامع نصيحته) يقول : يارب يا معبود يا خيـــر من سيلْ = إلا هي اللـــــي مـــــن لجابك تعينـــه يافارج الشـــدات يا عادل الميـــل = وما غيـــرك أحـــــدٍ ربنا مرتجينــــه عسى تساعدني على خيرة القيــل = لفـــــظ بعــــونك يالــــولي منتقينــــه أعدله مـــن نادر الشعـــر تعـــديل = حــــرصٍ علــــى معناه مـــن ناقدينه واسجله في صفحة للــوح تسجيل = قــــــول ٍ علــــى معنـــــاه متنعتينـــه هــــدية السفطان ماهيب تدجيـــل = نصيحهةٍ لابـــن الحمــــولة ثمينـــــه إسمع عساك إتدوم معنى بتــرتيل = من صادقٍ أهدى مــن الشعـــــر زينه ترا المغـرب ياصبـــي التنافيــــل = له واجب يديـــه فــــــي كـــــل حينه عند الملا تظهر معاني المحاصيل = عن مافعله الرجل زينــــه وشينــــــه فلوله طــع مـــولج الصبح الليــل = من طاع ربه فـــي حياتــــه يعينـــــه والثانية حذراك درب المضاليـــل = ترا المعاصي مـــــن مشاها تحينــــه والثالثة حفظك لمالك من العيــــل = يغنيك من بعض الــوجيه المشينـــــه والرابعة للمــــوجبه زدلها الكيــل = ماينذكـــــر رجـــــل شحيح إيمينــــه والخامســة لا جاك ربع مشاكيــل = قدر إخطاهم عقب ذبــــح السمينـــــه والسادسة عليك باسمى الرجاجيل = ترا الشجيــع إمجـــــرب عارفينـــــه والسابعة حذراك لاتصحب الذيـل = خــــل الـــــــردي حقران والله يهينه والثامنــــة واذكـــر ليال مقابيـــل = عما كســـب فيها المغــــرب يدينــــه والتاسعة فد فـــي حياتك لماثيــــل = مــن عارف فاد المعانــــي الثمينــــه والعاشرة كم لك عيون شــــواغيل = ترجيك تلفى فوق صافـــي المكينـــه يسعد بك اللي يرجـونك مغالــــيل = والعلم مايعــــرض علـــى فاهمينــــه هذا مجـــرد صادقات المـــراسيل = واللا المجـــــرب تابــــع طيبينـــــه نصيحــــــه والله عليـــه التكاليف = وابن الحموله يستمـــع نا صحينـــــه حلو الكلام الزين مافيه تطويل = من العارفة لاقـــــل يكفــــي حسينــــــه وفي ختمها صلوا عداد المهاليل = علـــــى النبـــــي المختار ياسامعينـــه وله أيضا: " إلى كل مسئول استبدادي..تميزه التحكيمة واستعراض العضلات على مرؤوسيه". "إلى كل مسئول مرن اتخذ شعرة معاوية قاعدة له في تعامله لمرؤوسيه: من شد نفر جميع اللي حواليه ما في الشــرائع ولـــديان السماويــة = رجل يسود الملا ويشيـن منطوقــــــة من شد نفر جميــع اللـــي حواليــــه = واصبح وحيد وكل الناس مــن فــــوقه ومن غل غل الولي نفسه وهي حيـه = ومن راده الله بســــوء شيــن إخلـــوقه كل الأمم ما تجـى بالمجـــد مسميـــة = الا بلخـــــلاق والاجــــــات مسبــــوقة من حرم من الخلق والنفس الحياوية = محروم من الخير واصبح خاوى سوقه ترا الغرور أقشـر مكـــروه راعيـــه = ماله عوين على ما شان مـــن ذوقـــــه مسكيــن ما عاد له يكـــود كرسيــــة = يقبل ويقفي وخـــلا الناس طاروقـــــه منفـوخ بالكبـــــر واخلاقـــه تجاريه = ثم دار في حلقة بالضيــــق مخنــــوقه أشــوف ناس بـــلاه الله هلا ميــــه = في مركز ماقـــــوت بالحكمة إطــــوقه لبست عباة الغرور بكـــل سخفيــــة = ومركب النقــــص حط ينفخ إشــــدوقه هوامش واصلها بالعـــــرق دونيـــه = ما قدرت عملها اللـي حطــــه دوقــــه تسلطــت جعلها السلطـــة غروريــه = على الموظف طغت وتضيق اخنوفه ماقدرت شعـــــرة الحكمــــه اعناديه = ومبدأ التعاون جسره كسرت طــــوقه ماعنـــدها للأ سف للفهــــم خليفــــه = تقمصت ( نيتشه ) وتسير باطروقـــه واشــوف ناس لها اخلاق سحاويــه = باللين و مسايسه ماهيب مطفـــــوقه تستاهل المركز الغالـــي فخـــــوريه = اللــــي بنت للتعاون بيت والحــــوقه لزمت بكل العمـــل (شعره معاويه ) = بين الموظف وهـــي ماهب منتـــوقه سادت وجادت وبقيـــت بالثناء هيــه = ماغرها كـــرسي الــــدوارورفـــوقه تنفي التعنصر ولا تركز له الخيــــه = والعدل نبراسها بالحــــــق مخلــــوقه مـــرؤوسها كلبوهـــــم بالســــواسية = مافيه تفضيــــل بالتمييز وافــــروقه هذى رجال العمــل بالذكــــرمسميه = تخلق محبة وخلـــق فـــوق ياشـــوقه جســـر بنت بالتعاون والسمــــوحيه = بنى لها قصر حب تـــــرسخ إعروقه فاللي يبـــي يملك العـــــز ابيمانيـــه = عليه بالخلــق حتى يرفـــع إسبـــوقه واللي يبي الهون ينفخ نفسه ابغيــــه = لزم يبين إنهزامه عجــــل وخفــــوقه وله أيضا : ( من يصاحب شريف الناس يكسب كمالي ). عقب اللي جبان مايعـــرف الحميـــه = لاحصل في صديقه في المجالس مجالـي لاقفاه المعثــــر واعمــدوه إبخطيـــه = حال دونه بحق في حضــور المضالــــي دون عرض الرفيق آقف لزوم عليـه = لانهش به صـراصيــر تحب الجدالـــــي في غيابه حكوبه والحقـــوه الـــرديه = وان حضر نافقوا وارتقوه فوق العلالـــي فالصداقة مع الأجواد تصبــــح عنيه = والعنيه لهــا حـــــق الـــوفاء والجلالـــي لاتناسا رعاع القلـب واجب خــــويه = مانسيتــــه ولا خليت عــــرضه ينالـــي صاحبـــي ماتحمل منه يشـــره عليه = لاذكر بالمسبـــه حلــــت دونه إبحالــــي مايخلـــي رفيقـــــه نادرٍ به حميــــه = لاحصـل بالمحاضــــر لجـــةٍ وانفعالـــي ذي سلوم الرجال أهل العزوم القويه = لاتــــــركها جبنان وانخــــذل مايبالــــي صحبتـه باالحقيقه صحبــة منفعيـــه = لا انتهت حاجة الخاذل نسى كــل غالـــي فالردي رفقته عذروب رفقــه دنيـــه = ماتعزز يكــون يعـــز جـــرف هيالـــــي هاظني يوم أغني في عـزيز عليـــه = طيب وافــي له مثــــل ماهـــــو وفالـــي حشمةٍ له على الدنيا وحقـــه عليــــه = مااستمع في رفيقي كل من هو حكالــــي أفتخربه وعده فـــــي المهمات ليـــه = مثل مايعتبرنــي له صــــــديقٍٍ إمــــوالي واعتبـــر صحبته تاج شـــرف عليه = من يصاحب شريف الناس يكسب كمالي قلتها صادق في اللي إعلومه طــريه = كلمة الحـــق نور والصــــراحة تقالــــي بالمحبة وتقدير الصـــــداقة هــــديه = مانـــــدور ورا الــــواجب علينا بدالــــي ختمها دم عزيز في حياة هنيه = سر علـــــــى مارسمتـــــه ياعشير الرجالــــي وفي النهاية سلام ٍ مع رقيق التحية = عطرها المســــك تغشا بالهناء بوطلالـــي وله أيضا : ( عز الله أن ابها البهية بها زود ) . آبا تكلم وانظــم الشعـــــر ياسعــــود = فـــــي ديـــــرة ٍ سبحان ربٍ خلقها فيها جمال يبهـــر العيــــن مشهـــود = أبها البهيـــه والله اللـــــي فـــــرقها جمـالها المشهـــــود ماعنه منشــــود = واعظ صفات الحسن حازت سبقها ياحسنها يا حلــــوها ديــرة الجــــود = من زارها ملــــزوم قلبـــــه عشقها فيــــه الطبيعة والهناء ماله إحـــدود = وحـدائق يعبــــق روائــــــح حبقها عــــز الله أن أبها البهيــــه بها زود = حتى الجمال مسطــراً فــــي ورقها تفرقب بحسن ٍ فاق من صنع معبود = مصيف للنفس الـــرقيقه ســـــرقها وله أيضا : هذه القصيدة قالها في أبنائه عندما كان مرافق مع أبنته في المستشفى وجلس هناك مدة طويلة لم يصله مايطمنه عليهم , فقال : الله درى ـن منار القلــــب ريحانه = واخوانها يا عسى ماجاهم إخلافي مــن حبهم والله أن العين سهــرانه = عيت تذوق النام ونــومها جافــي ماهوب للقلــب شف بعـــد خــلانه = مير المقاديـــر ماعنها لنا كافـــي لامن تذكـــــرتهم مازان لــي زانة = قلبي عليهم دوام الــــوقت ميلافي ودعتهم فـي رجاء ربـي وحفظانه = أرب مالحقهم خصات واخـــلاقي خليتهم في البلد والكبــد حــــرقانه = مالذ لي عقب فرقا شـوفهم صافي كاه على شان نور البيت مـرضانه = أمنير اللـي غــلاها ماله أوصافي يالله ياوامــــر بالعفــــــو واحسانه = يامستجيب دعاء مـن جاك يطافي إفرج لمن هو بعيدٍ كثرت أحـزانه = متحيــــرٍ من همــــوم مالها رافي وله أيضا هذه القصيدة وهي موجهه إلى ناكر الجميل وناسي المعروف : البارحة كني علــــى باب تفكيــــر = أمر محير واصــــدق العلـــم ينبيك هــــذا زمان حلقـــت به عصافيـر = ولا تمـــرد فيـــه كــــون الصعاليك فالله لايجــــزيك بالطيب والخيـــر = ياجاحد المعروف بالعمــــد والحيك من عاملك بإحسان شاف التعازيـر = متمــــردٍ ومماطلٍ مــــن يناحيــــك فانا أشهد مافيك من الميز قطميـــر = تاليـك شيــــن وأولك مثــــل تاليك فاخجل حيا وافعل سوات المناعير = ياملقي المعروف مقــرن عــــلابيك طيب بطيب مثـل مايفعل الغيــــر = ورد الجمايل يااجحد الناس تطريك عز الله إنه غـــرني فيك تغــــرير = هدير علـــم ٍ تالــــي مالقــــــي فيك فابنذر اللي يحسبك من المسافيـــر = لا تاخذه بالهــــرج ثم ينغتــــر فيك فلــونك إضعيف ٍ عـــذرناك تقدير = مير البلا يوم الله أخـــــزاك مغنيك وله هذه القصيدة موجهه إلى صديقه محمد عبد العزيز السليمان يقول فيها : مرحب باكتاب من الغربه لفانـــي = يا هـــــلا به عــــد همال السحابه مــــن صديـــق بالمحبه مانسانـي = يغلــي اللي مغلــــي حضرة جنابه من امريكا مع بــريد الجوجانـــي = يحمل أشواق مـــــن الغلــــي نيابه شاقني خط الصديق اللـي عنانــي = رغم بعد الدار روح لــــــي كتابه فزبه قلبي وحـــــرك ماشجانــــي = وابـــرك أيام السعـــد يـــــوم لفابه فالصداقه مايغيــــرها الـــــزماني = مــــع شريف عهده الصادق وفابه مابعث لي من المشاعـر والتماني = مـــن الضميــــر أبادله ماكان جابه والله أنه ســــرني ونشا بيانـــــي = واخجل التعبيـــر عـــــز الله شبابه موقف محمد دعا غـــر المعانـــي = تحتفل لاجل الطموح اللي نـــوابه شق دربه واحتمل بعــد المكانـــي = يوم ردى العزم تثــــوي به إركابه فالمعالي ماتجي لاحـــد هــــواني = مايطـــول المجد مــــن دربه يهابه من يصبرنال المعـزه والأمانـــي = كل مجــد رامــــه الصابــــر رقابه ننتظر يوم نقــــتدم لــــه تهانــــي = لارجع بالــــدال ومحمــــد حظابه فالدراسه ماسواها شــــي ثانـــــي = مطلب اللي يبغي العـــــز إيعلابه ترفع الرجال في عالي المبانــــي = في المحافل لاحضر يوخذ إحسابه يامحمد خطك الوافــــي دعانــــي = في مجازات الوفاء هـــذا جـــوابه أشكرك من كل قلبــي وامتنانـــي = فاق حسن القول ياصبي الـــذرابه وله أيضا هذه القصيدة موجهة إلى صديقه عويد ضيدان المطيري : ياعويد المنـعــور مانيب فــــرقتــاك = لاشـــك بقعا القاسيــــة فــــرقتنا ياليت من هو دايم الــــــدوم ويـــاك = وان الليالي ساعـــــدت واجتمعنا لاتحسبنــــي يابن ضيـــدان بنســاك = صداقتك مـــــن طيبها شـــوقتنا فانت الصديق الي على البال طرياك = معرفتك من عــــزها شــــرفتنا نفخر بعرفك ونتشـــرف بشـــرواك = والله يسقـــــي ساعة عـــــرفتنا مــن طيب ساسك طيبات مــــزاياك = معـــرفة بك مكسبٍ وافخــــرتنا نفـــرح بذاك اليــوم لامـــن سمعناك = مكالمتكـم لحظــــــة فـــــرحتنا فلو أني أعـــرف هاتفً لك زهمناك = وأصلتكـــم ما وقـــــف إمكالمتنا رغــــم المسافـــــه بيننا مــــانسناك = لو الظروف المـــرغمات أبعدتنا فارجي عسى الخلاق يسمــح بلقياك = ومـــراسلٍ مايقطع إ مـــواصلتنا سلم علــى نفسك ومـــن كان يعناك = واللي بعد فوق الســـرير أشحنتنا وثنه على القاضي عسى ماعدمناك = واللي على درب الشرف مانستنا وله أيضا هذه القصيدة موجهة إلى صديقه مبارك بن محمد بن طرجم الدوسري : يابو محمـــــد جعــلك الله تعــــلا = في كل مايرفــع مقامك صعــودى يطول عمرك ياعضيد المخــــلا = وعساك في الدنيا بخيــــر وزودى لك ياصديق الروح عندي محــلا = قدرك ورب البيت ماله احــدودى ســريتني بخــــلاق دوما تخــــلا = مثلل الرديني ياصدوق الوعـودى ياطيب رجل لا اقبل الــربع هلا = شرواك بالوجه الطليق امحمــودى ابديك ياخيرة اربوعـــي لعـــــلا = تحلها فـــــي واجــــب مايكـــودى أهل المثل قالــــــوا كلاما يــــدلا = انص الجبال وخل عنك النفـودى فالشغـــل ياريف النشاما مخــــلا = ستة شهور ماعمل به اجهـــــودى يبغيك تنهض به بجهــد وحــــلا = واجب إلى قصر ردي العضودي مـــــاقلتها الا مــــن محبتك والا = عزمي بحول الله يقوى ازنــــودى أشكر جميلك واعذر إن كان زلا = خط القلم واقبــل عبير الـــورودي فرد الشاعر مبارك بن طرجم الدوسري وقال : يالله ياللــي فــــوق خلقه تعــــلا = عظيـم ماشــــي عليــــه ابيكـــودى فرد صمد سبحان عـــزه وجـــلا = الخالق المعبود مـــروى الكبـــودى فالبارحة كني علـى النار أصــلا = واصبح على الصبح مانـي بزودى أسباب من هو غالـــي له محــلا = فضله علي والقرم يـــرقا سنـــودى فيابو حمير انالكـــــم مانتخــــلا = حنا لكم في كل حـــزه اعضــــودى حنا لكــــم مادام نقــــدر بحــــلا = في دبرة الـوالي نسير ابصمـــودى والبيت في شهـــرين تلقاه فــــلا = شغل على القــــده ولافيــــه زودى اصبر علي يومين والـزود كـــلا = وتشوف بالفلـــة ارجال اهنـــودي هــذا يرش وهــذا يليس محــــلا = زود على هــــــذا نواطيـــر زودى وان ماصلح لك شغلهم عنك حلا = جب طيب اللياس وارخص نقودى وانا حملـنـــا وارتحلــنـا بكــــلا = وان ماحملنا عدنا مـــن الــــرقودى واختامها بالمسك يا اغلا الأخـلا = مني لكم واغلى عبيــر الـــورودى غلى نبي الله عـــوين المخـــــلا = اللي شفع له طاعته والسجـــــودى ومن قصائدة الغزلية : ياصاحبي وش عـــلامك = مني تشـــــح إبسلامـــــك مدرى أنا عــن مـــرامك = يازين وش ذا الخصـــــام تنسا الهـــوى والمــــوده = وايامنــــــا المستجـــــــده أشوف عينــك مصـــــده = حـــــــرام والله حـــــــرام يازين وش ذا الصدودي = علامك خنت العهـــــودي فانا دخيـــــلك تجــــودي = تجـــود لــــــو بالكـــــلام من صــدك يامجــــرالي = أسألك وش ذا الجفاء لــي مــــن سبتك يالغــــزالي = ماذقت حلــــــــو المنــــام هل جاك منــي خطيــــه = يابــــــو ثمان عــــــــذيه فاصفح وسامــح عليــــه = كفــا كفـــا والســـــــــلام وســـــــــــــــــــــــــــــــــــــلامتكم واحة الشعر الشعبي ج/3 قصيدة لشاعر : عبدالله بن حمير آل سابر الدوسري رأس المــكارم حسن الأخلاق والجـــــود = والدين تاجــــــــــــه والحيا والشهامــــــه والصبــــر عند الضيق راعيه مــــوعود = بالخيــــر والصبر محمــــــود اغلامــــــه وجمايل فـــي الناس كالمال مــــــرصود = مثـــــل السلـــــف تلقاه وقــت انعدامـــــه والعفو راعي العفـو في العالم يســـــــود = عند الملا العافــــــي يزيـــــد احترامــــــه والرفق محمــــــود وماشيه محمــــــــود = ياربح مــــــن يملك بـــــــرفقه زمامــــــه والوصل في الأقراب من المكسب الزود = مثل الـــذي صـــــــام رمضان وقامــــــه والحلم من يخطي مــــن الحــلم مقـــرود = مــــن يتصف به يـــــــرفع الله مقامـــــــه والصفـــح راس الفـــود يا طالب الفـــود = تـــرفع عـــــــن بعض الأشيا سلامــــــــه ونزاهة الـــــرجال عــــــن كل منقــــود = حمايــة مـــــــن غيبة مــــــن اخمامـــــــه وحــــب لكـــــل الناس للــغايب اشهـــود = في سيرته فـــي عشـــرته فـــي كلامـــــه وكسب التــواضع مــــربحٍ ماله حــــدود = يلقى بها الـــــرجال عـــــــز وكـــــــرامه والعطف والإحسان فــي كل مضهـــــود = أجـــــــر وغنيمــــه ما يعـــــوض وسامــه واعـز ما يسمــــى بها الــرجال ويــزود = حفظ الشرف عن كـــــل عيب وملامــــــه بان الطــريق لطالب الخيــــر مشهـــــود = مبداه وضـــــح ما يبي لـــــــه علامــــــه من راد يمشي به جنى الخيــر واسعـــود = ركب الشــــداد المعتلــــــي والزعامــــــه لا عاد به جاهـــــل ولا فيـــــه مرمــــود = كــــــل علـــــى كيفه يسيــــــر المــــرامه لا شك يذكــر بغتة المـــــوت ولحــــــوذ = وهول يشـــــــوفه عين يــــــوم القيامـــــه هذاك يوم احساب والكــــــــل منشــــــود = عما عمــــل مرصـــــود يالله السلامـــــه أحـــد لقا قــــــدامه النـــــــور ممــــــدود = واحــــــــــد لقا نعـــــــوذ بالله ندامـــــــه أمــا بجنات بها الخلـــــــد مــــوجــــــود = والأبنار مــــــــن حطبـــــــها عظامــــــه ما عاد بـــــذاك اليــــوم لابن آدم كـــــود = رحمه يجود بها الكــــــــــريم الأنامـــــــه وسلامتكم هذه القصيدة من غير المصدر المذكور