هذه القصيدة من أشهر القصائد التي حفظت عن الدواسر
ومناسبة هذه القصيدة .. عندما نزحت قبيلة [ الخييلات ] عن وادي الدواسر بعد قتال بينهم وبين بني عمهم [ الحقبان والمصارير ] لحقن الدماء بعد أن سقط منهم ومن أبناء عمهم الكثير ...
القصيدة
قال الخييلي والذي من قبيله *** اللي الا من قال شيءِِ صار
انا سلالة تغلب فخر العرب *** من لابتاً تسقي العدو الامرار
واللي مهيضني حكي متعرض *** يومه يجينا بالحكي معتار
يالعنبو من كان هاذي سبايبه *** يوماً علينا صار فيه أكدار
يا ماجد الحبيبي أحفظ ملكنا *** ترى الخييلي شد واخلا الدار
اللي لنا بالحزم تسعين عيلم *** لا كان همجٍٍ مير هن أغزار
يا والله اللي عندكم عد ناقه *** فوق العميد واسمه الفوار
منه جنوب السيف المعرف *** ومنه شمال هضبةٍ في غار
منه جنوب حدنا وادي الحمل *** من عسعس المذكور وأغد يسار
ومنه شمال البدور حدودنا *** وسند مع السره لخشم جمار
وماطرة الحمراء إلى خشم ماسل *** وجخجوخنا المذكور والقطار
حامينها بحد سيف بارع *** حامينها لقنطرة الإشرار
حالت مراكيض العليات دونها *** على كل مزغافاً تغير جهار
والله يالولا الذل عليهم من الفناء *** الآبة اللي حربها جوار
لاد العياضي سربةِِ ترث البلا *** أهل المهار مضيعة الأفكار
ولاد الحبيبي كن وصف جموعهم *** طوابير روما مالها حكار
يا كن بريق الطوس من فوق روسهم *** بريق الصفا لا طقته الأمطار
حنا نضد الناس وهم ضد لنا *** لاد الحبيبي مدلهين الجار
تسعين اللي طاح منهم ومنا *** عند النقا من طارف الزبار
من شان ذبحة كلب في شرق الحلا *** حلا السواده فوق عدٍ فار
عنزنا على العجمان دار وديره *** حراً تعلوى في ديار أحرار
وجدي عليهم وجد راعي اشمره *** في يوم عكناناً وهي ثبار
تقبلوا الشكر والتقدير
مـــبــــاركــ بـــن حـــــجـــــاج الـــخــــيــــيـــلاتــ