اقتباس:
المشاركة الأصلية كتبت بواسطة سلطان بن دخيل الله
مناسبة هذه القصيده كان رحمه الله قد سمع ان الشيخ عبدالله الفصام دفع مبلغ كبير
لرجال من قبيله قحطان كانوا يجمعون مبلغ من المال لتقديمه للافراج عن محكوم عليه بالقصاص مقابل تنازل اهل المقتول عن الدم واعطاهم مبلغ كبير من المال وقال لهم هذا المبلغ عني وعن جميع الدواسر فارجوا الاتطلبوا منهم شي وهذا نابع من احساسه بان هناك بعض افراد قبيلته من ذوي الدخل المحدود ولا يستطيعون الدفع في حاله مرور هؤلاء عليهم وهذا يجبرهم على الاستدانه وان يتحملون مالا طاقت لهم به ودون وجييهم فبيض الله وجهه وجعلها الله في ميزان اعماله الصالحه وكان موقفا يدل على شهامة وكرم لاحدود له وقال هذه القصيده مدح فيه وفي قبيلته المساعره وهو وهم يستحقون اكثر بالفعل ذلك.
هيهات يابنت الرجال القرومي= لاتعشقين الاعريبين الانساب
شومي لبوفهاد جعله يدومي= اللي رقابالمجد فيكل مرقاب
قال اللذي يفخـر بفعـل القرومـي=ويعتز في طيب ابن عمه الى طـاب
للعـز يابيـت لـك العـز دومــي=بيتاعن الخطـار ماصـك لـه بـاب
بيت الذرى من بردهـا والسمومـي =لعـل عـزه دايـم الـدوم ماغـاب
نـاس مسأييـر ونـاس تقـومـي=هـداج تيمـا مرويـا كـل شـراب
وصيانيا فيهـا مـن البـل ردومـي=ومن الغنم ماهوب يقطب لها حساب
لاكن جـدع شحومهـا واللحومـي=الحوم بوشـا عاثياتـا بـه ذيـاب
قدام بيت اللـي يعـرف السلومـي=اللي يعرف حقوق ربعـه والاجنـاب
لاعنك مالحقه مـن النـاس لومـي=بينه وبين الايمـه ستـر وحجـاب
عبدالله الفصـام خصـم الخصومـي=خصم الخصيم وتفتخر فيه الاقـراب
ليثا لكسـب العـز نفسـه تهومـي=هوم اليسد لاقـام يقـرع بالانيـاب
وللرايـه العليـا عزومـا جزومـي=ولايستشير يكون عصمان الاشنـاب
وسما على كبـد المعـادي يزومـي=واحلى من الغند المصفى للاصحـاب
من لابتـا تكفيـك عنهـا العلومـي=زبن الضعيف مفرقة جمع الاحـزاب
اولاد مسعـر يـوم زرق السهومـي=تكسر بروس حرابهـا كـل حـراب
ياماعلى العـدوان شنـوا هجومـي=في غـارة تشبـه لبوزيـد وذيـاب
خطـلان ليـدي للمراجـل تسومـي=تشري الفخر لوكان في قطع الارقاب
من شافهم حتـى بطيـف الحلومـي=يجض جضة من وطة رجله الـداب
وحريبهـم بامـرالالـه مهـزومـي=اللـي بنصـره للمخاليـق وهـاب
من يشتكـي ميـل الدهروالهمومـي=يعنز الدار حدهـا العـرق وهضـاب
بيـن النفـود ونأيفـات الخشومـي=دار ال قويد مطوعة روس الاصعـاب
يرقـد بهـا اللـي ساهرمأينومـي=ويامن بهـا ماكنـه يطلبـه طـلاب
حطوا لها جدع الجماجـم رسومـي=جيلا بعـد جيـلا شبابـا وشيـاب
وقوز الشريف اكبر دليـل العلومي=وقـولا بـلا فعـلا يقولـون كـذاب
وجوب الجفير اللي له العـز يومـي=وغيره ولو عديت ماقطب لها احساب
داربغـيـر ارجالـهـا ماتـدومـي =غنيمة يطمـع بهـا كـل كسـاب
دون الغروس وضافيـات الهدومـي=شلفا علـى خيـلا وللخيـل ركـاب
خيلا تحـط صفـوف لعـدا ثلومـي =وان لحقت المقفي سريعات الاطلاب
حدرالرجـال اللـي تسـد اللزومـي=اللـي علـى نطـح الطوابيـر دراب
يوم الثميدي مثـل وبـل الغيومـي=بردى قنيفـا ينثـر الوبـل صبـاب
كم مـن يديهـم طايحـا مأيقومـي=من ضرب حدب مصقل الهند وحراب
وحدبا تلامع مثـل لمـع النجومـي=بغدرى ضلامـا ليلهـا والقمرغـاب
وصلاة ربـي عـد وبـل الغيومـي=على الرسول اعداد ماخـط بكتـاب
شاعر الشكره : دخيل الله ابن محمد الشكره رحمه الله
وادي بـــــــرك |
يستاهل ابوفهاد
وهذه القصه تعتبر صوره من صور العطاء وبلا حدود
وهذه بعض ماقاله فيه والدي
ويستحق اكثر من ذلك
سلطان ابن دخيل الله ابن محمد الشكره