اقتباس:
المشاركة الأصلية كتبت بواسطة عبدالرحمن الشرافي
بسم الله والصلاة والسلام على رسول الله
اما بعد ..
اضع بين أيديكم هذه القصيدة المتواضعه والتي قلتها رد على ابيات وصلتني البارح
من الشاعر / سلطان بن دخيل الله الشكره يقول فيها :
تسلم يمينك ياسلالة كحيلان=مدك جزيل من يدينا كريمه
تعطي جزيل المدمن غير نقصان=وماهو غريب لك عوايد قديمه
والك التحيه من هل العرف والشان=واثني تحيات الرجال الحكيمه
عرفتهم بالنت ذربين الايمان = ونعم المعرفه بالرجال العظيمه
ربعا يعزونك ولك عندهم شان=ورجلا جمعنا جعل ربي يديمه
فرديت عليه بهذه الابيات والسموحه على القصور:
لاهان منهو يبدع الجزل لاهان= شاعر بيوته كالسيوف الصريمه
شاعر يجيد النظم ويجيـد الاوزان=انشهـد انـه يالنشامـا صتيمـه
يا مرحبا واهلاً هـلا يـا بليهـان=يا ابن الرجال اهل العقول الفهيمه
ربعك هل الفزعه ليا ثـار دخـان=الاد شكر(ن) لا غشاء الجـو غيمـه
ربع(ن) ثقال وحزة الهوش ضفران=وتذبح عداها مثل ذبـح البهيمـه
كم قاسي(ن) من ضربهم فاللقاء لان =وكم شيخ قوم(ن) فاختنه حريمه
ويا جعل قبر ابـوك همـال ودان=وعساه فالفردوس عايش نعيمـه
وختاماها اللي ابدع القاف لاهـان=شاعر بيوته كالسيوف الصريمه
وسلامتكم ..
أخوكم / عبدالرحمن بن سالم ال سودان الشرافي |
اخوي
عبد الرحمن الشرافى
لاهنت جعل شيبانك في الجنه
وماعليكم زود يابني عمي عزالله انكم اهل الاوله دايم
واسمح لي اضم صوتي الى صوت ابوزيد
فعلا انت شاعر لك مستقبل. وانا اشوف انك على جزالة وقوة الابيات اللي اطلعت
عليها انا والاخوان انك من افضل الشعراء في وقتنا الحالي
وعساني واللي يقراء ابياتك من بني عمي وغيرهم مانجي بدربك بالهجاء عزالله
ان اللي بتهجوه على قوة هالابيات ماشاء الله عليك ماهي بقايمه له قايمه بعدها
وما وصيكم يابني عمي لاتزعلونه
جعله يحي اتوقع اللي بيزعله بيقول فيه معلقه
بتتناقلها الاجيال وبالنسبه لك اخوي عبد الرحمن انت من اليوم اللي تامر فيه لايردك
الا لسانك
مالي عليك قدره لاعدمتك وسجلو اعترافي لديكم في هذا المنتدى
الشامخ.