اقتباس:
بسم الله والصلاة والسلام على رسول الله
اما بعد ..
اضع بين أيديكم هذه القصيدة المتواضعه والتي قلتها رد على ابيات وصلتني البارح
من الشاعر / سلطان بن دخيل الله الشكره يقول فيها :
تسلم يمينـك ياسلالـة كحيـلانمدك جزيـل مـن يدينـا كريمـه
تعطي جزيل المدمن غير نقصـانوماهو غريب لك عوايـد قديمـه
والك التحيه من هل العرف والشانواثني تحيات الرجـال الحكيمـه
عرفتهم بالنـت ذربيـن الايمـانونعم المعرفه بالرجـال العظيمـه
ربعا يعزونك ولك عندهـم شـانورجلا جمعنا جعل ربـي يديمـه
فرديت عليه بهذه الابيات والسموحه على القصور:
لاهان منهو يبـدع الجـزل لاهـان
شاعر كبير وجعـل ربـي يديمـه
شاعر يجيد النظـم ويجيـد الاوزان
انشهـد انـه يالنشامـا صتيـمـه
يا مرحبا واهلاً هـلا يـا بليهـان
يا ابن الرجال اهل العقول الفهيمـه
ربعك هل الفزعه ليـا ثـار دخـان
الاد شاكر لا غشـاء الجـو غيمـه
ربع(ن) ثقال وحزة الهوش ضفران
وتذبح عداها مثـل ذبـح البهيمـه
كم قاسي(ن) من ضربهم فاللقاء لان
وكم شيخ قوم(ن) فاختنـه حريمـه
ويا جعل قبـر ابـوك همـال ودان
وعساه فالفردوس عايـش نعيمـه
وختاماها اللي ابدع القـاف لاهـان
شاعر كبير وجعـل ربـي يديمـه
وسلامتكم ..
أخوكم / عبدالرحمن بن سالم ال سودان الشرافي
|
اخواني الاعزاء سلطان بن دخيل الشكره
واخوي العزيز وابن العم الغالي عبدالرحمن بن سالم
تعجز الحروف الابجديه عن التعبير والشكر لكم وعلى ماتكتبون وماخطت ايمانكم جعلها تسلم والله يديم المحبه بيننا وبينكم ووالله ان هاذا المنتدى ليفخر بالناس اللي مثلكم وشرواكم من شعار من غير نقصان بالباقين ووالله يشهد ان لهم معزه في القلب ولو اني ماعرف منهم احد الى عن طريق المنتدى ولاكن حبيتهم من تلاحمهم ووقفتهم وقفة رجل واحد والحمد لله شعار الدواسر بهاذا المنتدى من افضل الشعار في ساحه الشعر والله لايفرقنا
نقبلو خالص الود والتحيه اخوكم سالم بن محمد ال صادره الشرافي