هيه يلي نظرتك حيل محدوده=كل برق لاتخايل يم نوه
كود نو تسمع لحنة رعوده=والسحاب الدهم يمطر من علوه
واحد(ن)ما ينقلن حمله عضوده=والله ان يبطي وحمله وسط جوه
واحد(ن)لامن بغا شين يكوده=والله ان يبطي وهو يزداد سوه
ومن تحيزم بالردي تفتر زنوده=الردي مافيه طيب ولا حموه
ومن خذا بنت الردي ماطاب فوده=والولد لو فرحبه ماشب ضوه
يتلم لغليص من جابه يذوده=يبشر بقل المروفه والحفوه
ومن بغا العليا ترى العليا سنوده=ايتساما لين يبلغ في سموه
رحلتن فيها المعابير معدوده=من سلك منهاجها يبغا جروه
يحتمل للدين لو تكثر قصوده=ويحكم المنطوق لامنه تفوه
وينطح العايل ولو تكثر جنوده=والعواقب تحتمل موت جلوه
الزمن دوار في بيضه وسوده=يقتدي من يعتبر ولا يتوه
الزمن يجري والامال معقوده=همتن قصيا والاخرا ماتموه
وغلطت الشاطر يضخمها حسوده=يعتبرها فرصتن جت في عدوه
مايطوفها يحسبنها اتزوده=حيلت العاجز في الوافي يشوه
هيه يلي نضرتك حيل محدوده=لاتفكر كل ماجالك بقوه
كل خير العبد من فضل معبوده=جل شان الي تفرد في علوه
سالم بن صمهود (( شــاعر الجعامله ))
حي الرجال وحي ماجاب
من غيــر حلوف يابن العم انا ذا اللي ل ناوي اراسلك رساله خاصه
عن هذي القصيده
حيث اني معجب بموضوعها وقافيتها
ويشرفني ان اكون من حفاظها ان شاء الله
محبك ومغليك
ابو زيد الغييثي