مرثية
مشعل بن عبد الله طاحوس بن خصيب الغيثات الدوسري
مرحوم يا بوفيصل مرحوم= لو أن موتك ينشرى قد شريناه
لكن قدر ومقدر اليوم مقسوم = ولا نعترض لأمرا من الله سمعناه
عساه بالفردوس ينعم بها دوم = في جنة الأخيار يا رب تجزاه
حيث صيته مرتفع يا عرب دوم= مع طارى الشيخان تذكر سواياه
يشوش راسي لاذكرته مع القوم= انا اشهد ان في المراجل ذكرناه
يا طير ياللي فوقنا تكسر الحوم= جعل البقى في راس فيصل وشرواه
ويا جعل عينن ما بكت حرها اليوم= تعطي العمى ما عاد فيها مداواه
وختامها كل شيئ مقدر ومقسوم=ندعيلك بالجنة يا رجلا ً عرفناه
مشعل بن حمد بن محمد بن شويمي الغيثى الدوسري
محافظة - الخرج