[معلومات العضو محمد الخييلات]

السلام عليكم ورحمة الله وبركاته

اعزائي وبني عمي حبيت تكون اول مشاركه لي أن اقدم لكم هذي الرائعه للشاعر الغني عن التعريف
سعد إبن جدلان الاكلبي وهي قصيده اسندها الى مبخوت إبن هذال المساعره الدوسري
وليس بودي إني اطيل عليكم لذلك ادع القصيده تتحدث عن نفسها

يالله لا اله الا انت يا القادر المتعال = عبدته جهر وأمنت به قبل لا اشوفه
انا في ذراه ومن ظلاله علي ظلال = وهبني رجاه وشد قلبي على خوفه
اعوذ بجنابه من مقام الصغير الذال = ومن شمس تبين اليوم والصبح مكسوفه
وعسى شايعتنا في عيون الرجال جلال = وعسى عايبتنا خافيه غير مكشوفه
انا والليالي كل يوم لنا موال =موال ينبيني عن الوقت وصدوفه
اسوق الركايب لين تاقف على الاطلال = ومن وصل حدود الياس ما الحقته حسوفه
ولا كل من يسد الحال تشرح له الاحوال = العربان بالعربان مهيب مكلوفه
إما يشرح الرجال ظرفه على رجال = وإلا يسكت الرجال لا يشرح ظروفه
عسى الله يبيض وجه مبخوت إبن هذال = عز الله العزيز إنه ملكني بمعروفه
لا ضاقت نصيت المسعري مكرمين له الشال = طويل الباع اللي تباشر به ضيوفه
حميد النبا زين الطبيعه وسيع البال = يشيل الجناب الدمث في راحة كفوفه
شرهات المدايح رايمات الجناب العال = قدم الزايدي مثل بعارين مصفوفه
وهي المكارم عند ربي لها منزال = فهي بيني وبين الكريمين منصوفه

هذا وانا اعتذر لكم عن سوء طباعة القصيده والعتب على قل الخبره وانا اخوكم

السموحه على القصور .. محمد الخييلات الدوسري