بسم الله الرحمن الرحيم
والصلاة السلام على الرسول الكريم محمد صلى الله عليه وسلم
مساكم الله بالخير اخواني اعضاء منتدى قبيلة الدواسر
هذي محاورة بين الشاعرين عبدالرحمن خضير وتركي الميزاني
وهذا الموضوع قدمتة لكم بعد غايبي مايقارب الشهر
عبدالرحمن :
سلام ياراعي الحفلة ويامن حضر
في حفلة مطير والعنوة على شانها
ان كان تركي معه يصحاب على خبر
ياقف وناخذ دلايلها وبرهانها
تركي:
يامرحبا عدماهلت ثعول المطر
والطيبة بيننا ماختل ميزانها
القافله يالرشيدي سيرت على البحر
وانته ورى الديره القشراء وضلعانها
عبدالرحمن:
لعل فيك البقايا لشاعر العتبر
في ليلتن معك ر يسها وسلطانها
نبي نسولف ونعطي مع وسيع النظر
سوالفن مايتغير معك عنوانها
تركي:
الاوله يالرشيدي لاتنوش الخطر
والثانية يالرشيدي صك بيبانها
الظاهر أأبن حضير المهدي المنتظر
وان كان يبغى الحقيقه قلت له عانها
عبدالرحمن:
الظاهر انا نبي نصلي الفجر
على هل الديره الي زاد شيطانها
المسلم ليا بلي ياهل المعرفه صبر
في خيرها وشرها والناس واديانها
تركي:
الظاهر انك تبي ترجع بليا بصر
وتطيح بالنار وشعلتها ودخانها
انتم ارجال(ن)تحسبون المراجل هذر
وابليس ملعون يرقص فوق حجانها
عبدالرحمن:
ترى الحذر مايفكك من حدوث القدر
ياراعي الددسن الي مال سكانها
حنا رجال المواقف قبل زيد وعمر
ناخذ ونعطي رجالن تفعل ايمانها
تركي:
ماتفهم العلم ياشارب حليب البقر
ياراعي السلعه اللي طاحت اثمانها
حنا هل المعجزات وفعلنا مشتهر
وبيوتنا طيبه وطيب سيسانها
عبدالرحمن:
الله يسامحك ياراعي الونيت الحمر
ماتحج مكه ولاتاقف على اركانها
ماقول فيكم ردى ياشاعرين ماشعر
والنعم بمطير راعيها وفرسانها
تركي:
عطنا بطاقه من الرخصه ياشيخ الجبر
ياللقمه اللي تثبت فوق لحيانها
وســـــــــلامـــــتـــــكــــم
تــــقــــبـــلوا فـــائـــق احـــتــــرامـــي
ابـــــــــوجــــــمــــــــال الــــغـــيــــيـــثــــي