السلام عليكم ورحمة الله وبركاته:
هذه القصيدة للشاعر فرج بن سويدان الضباعين المسعري عندما كان في المنطقة الشمالية وشاف
الخيال منه جنوب فقال:-
جعل السحاب اللي تزبّر خياله = نوّه من المنشا سواة الهضابي
يسقي ديار أهل الكرم والشكالة= قوم(ن) لهم تاريخ في كل نابي
وادي الدواسر ينعرف من رجاله=من ماضي الاجيال ماهو بغابي
ديرة أسود(ن) من عصور الجهالة=صوا رم(ن) منها تعاوى الذيابي
حامينها بالغصب من كل قالة = بسيوف هند اللي تقص الرقابي
دار(ن) لنا ماحد(ن) عطانا جمالة=بالماو نملكها وحد النصابي
وإن جالها الطامع قصرنا حباله = لين أصبحت منها القبايل تهابي
دواسر(ن) تعرف على كل طالة=أهل المراجل والسلوم الصعابي
رجالهم بالطيب تعرف أفعاله = لو إنه صغير(ن) بسن الشبابي
حب الشجاعة والكرم في خياله=دايم على العلياء يسوق الركابي
دواسر(ن) تتعب لبذل الجمالة = ولا تحسّب للخساير حسابي
وعاداتهم كسب الثناء والعدالة = وقصيرهم يامن ولاله منابي
لاجاهم الخايف حذف بالزمالة=وتوسم عصاه ومسكنه فالنوابي
في دارهم يمشي وسيع(ن) مجاله=بآمان ربي من سؤال وجوابي