السلام عليكم
قرائنا الكـــرام
واتمنى تكونو بخير
وابيات قريبه الى القلب
جت القوافي مـن الاحسـاس عفويـه
جتني وانـا قبـل جيتهـا أتحراهـا
جتني تـوارد وهـاذي جايبـه ذيـه
هذي هي أحلى لاوالله هـذي أحلاهـا
مجنون .. مجنون وافكـاري جنونيـه
شاعر وغنت له هجوسـه ولاحاهـا
هيجنتها .. وأنحنت لي وأسجدت ليـه
وخليت قمة .. زعلها ..يطلب أرضاها
شاعر شمالي محنـك نيتـه .. نيـه
يغوص سبع البحور ويلحق أقصاهـا
ياوقت وقف هنا .. وأسمعنـي شويـه
خـذ الحقايـق صريحـه لاتعـدهـا
أبطال عشنـا وتبطـي نارنـا حيـه
مبطـي حيـاة المذلـه مارضيناهـا
مـن روس قوم(ن)زعامتهـم إلاهيـه
تدقم خشوم الرجال .. وتقصر ألحاها
حـرآ تربـى علـى ديـن العبوديـه
والدار دارن لنـا .. قبلـه حميناهـا
حمامـة الـدار مطبوخـه ومشويـه
لاكـن والله مـدري مـن تعشـاهـا
صرنا ضحية عصابه مـع حراميـه
كل ذلولـه علـى البوقـات يشعاهـا
مامنهم اللي صدوق ويخلـص اللنيـه
زمرة شياطيـن جعـل الله يمحاهـا
يالايمـي نـص خلـق الله مبلـيـه
ولاتحرق الجمرة الى مـن توطاهـا
والارض .. خفره ومبيوعه ومشريـه
قالـو. وقالـو .. ولاكنـاء كشفناهـا
ماينقذ الحر الاشقر مـن فـم الحيـه
الى الذي كل نفسـآ عنـده أقضاهـا