[معلومات العضو العماني]

هذي قصيدة نشرت في ملف وسم في مجلة المختلف الشعبيه ،وهي لشاعر يسمى ( مقيبيل) وذكر انه نشرها الصويغ في مخطوطته التي لم تطبع حتى الأن ، ولا يعرف عن شاعرها اكثر من هذا الاسم المفرد ، ولعل احد الأخوان يفيدينا بمعلومات عنه .

لولا الحيا .. عفيت بكري عن الشيل = وفرّيت وحدي من نواحي المدينه
مافوقها الا جرم خرجي من الميل = وخماسي ٍ تشفي الغلايل ضمينه
واحثّها ، وادلج نهاري مع الليل = باغ ٍ أقرّب وصل عيني لعينه
وأفوز وأهلّي بزين التعاليل= كما يهلّي والد ٍ في جنينه
شبّيتني بين الملا .. تقل قنديل=وعلّقتني يم الثريا بسينه
وسمّيت حالي ياسموت الخلاخيل=واطلقت في قلبي شراع السفينه
والله لولا خوفة القال والقيل = وادرى على المجمول من شي يشينه
لاجيه بعيال ٍ غواة ٍ مداليل= بأيمانهم حدب السيوف السنينه
واشيل من جا .. دون ضافي البها.. شيل=واحرق ابي من حال بيني وبينه
من غير حقران ٍ لعيد المراميل = السابقي ورباعةٍ تابعينه
((دواســر ٍ )) مادنّقوا للبراطيل = ولا ذكر عميلهم بايقينه
على النقا ذبّاحة ٍ للرياجيل = وعلى الصخا جزّارة ٍ للسمينه

تقبلوا تحياتي،،