::: مـنتدى قبيلـة الـدواسـر الـرسمي ::: - عرض مشاركة واحدة - القـصائـد التـي بسببـها سجن الشاعرين سلطان الهاجري وضيدان بن قضعان

**معلومات** **العضو** · 09-04-2007, 04:21 AM

{{ سـلطـان الهـاجري }} و {{ ضيـدان بن قضـعـان }}

بالله يأهل دبي ولا هل العين=من قال تبشر به عطيته بشاره
قرناس عشر سنين وأربع وعشرين=الله وش فيه من الوفا والقشاره
وأن قام يدرج عينه يسار ويمين=مثل الخفير الي مداقش خفاره
يا شيب عيني لا كفخ بالجناحين=أسبق من طيار الآباتشي طياره
ما هاجر الا بين خظر البساتين=في ضيافة الي ما يحسب الخساره
يخلي مراحين ويملى مراحين=بيمنى من صدوف الليالي مجاره
يمنى الكريم مبدل العسر باللين=نعم نعم فزاع نمر النماره
أشهر أبراج العام الأول وذالحين=برجين برج أيفل وبرج التجاره
وضيدان يكرم في ضيافة كريمين=كنه من آل مكتوم والدار داره
فندق جميرا بيتش ومالية حمر عين=من مر منهم قام يمسح جداره
واليوم يا ضيدان وينك وأنا وين=خليتني مابين تاره وتاره
أشيل ما شالت ظهور البعارين=وأصد غاره وآتصدى لغاره

البارحه في الدور واحد وخمسين=شبيت من راس الفتيل الزقاره
وكنيتها لين أمتلن الشرايين=لعلها تطفي لهيب الحراره
ولفتها والدمع في محجر العين=والدمع ماسال لكنه رهين الأشاره
أقرأ وأعيد الخط مره وثنتين=وأقول من صدرً تحطم عباره
لبيه يا سلطان لو نازح البين=يزوي سرابه ويتركز غباره
غربة حاديني من الفقر والدين=ماحد أبو عرام يجلب قشاره
ونصيت ربي ثم نصيت السلاطين=اللي تحفظ لكل رجل وقاره
ومن فضل رب البيت مابين عدين=بين أحمد وحمدان والعلم ساره
في فلةً في دبي ملكي ودورين=تعلم البدوان فن الحضاره
قدامها لنكن وكدلك ورنجين=وفي البر عزبة وفي المدينه عماره
وأن طعتني روح علي ياأحمر العين=بشت الغناة ولا بشوت الأماره