بســـم الله الرحـــــــــــــــمن الرحيـــــــــــــــــــــــم ,,
تقابل اثنا عشر من العمور مع ستون رجلا من قبائل ............. في الكمع
وانتصر عليهم العمور فمدحهم الشاعر ابن شيبان الودعاني المعروف بالهذية
في قصيدة يذكر فيها موقعتين للدواسر في زمان واحد نذكر بعضاً منها :
والثانية فالكمع حطـــــــــوا هيه=ابو بليهن من كبار جــــــــــرودها
حطوا نهار يرعـــب إللي حاظره=غبيت هضاب الكمع من بـــارودها
وإللي لحقهم ســــــــــتة مع ستة= والقوم ستين قظاب عـــــــــدودها
والثالثة تحت أشـــــــقر عصرية= غنا الحمام ابها بروس فــــــنودها
يالله عساها هية مســــــــــــــقية= ومن عقبها ترعى الهمل بقـيودها
كله لعنا الغرس مرتـــــدم الحثر=ولا لعينا اللي تهل جـــــــــــعودها
والرابعة لا جات ســــاقات الدهر=راعي المطية يلتــــــفت لبـــدودها
كثروا هثيل البدو والسعر انكسر=ويبس المشاش ومحـــّل عــدودها
فأنا بنفل فالح وجـــــــــــــماعته=ما ذكر لي مثل العــــمور بــجودها
لا جيت أبمدح ذا تزايـــــــد لاخر=وكل ٍ يعود معدنه لجــــــــــــدودها
والخامسة لامن وزاهــــم مجرم=يرقى سنود عقب شـوف زهـودها
والجار لا جاهم تمـــــــضا حجته=لا كان مخطي الجار فـي مـارودها
هذي خصلهم الاولات عرفــــتها=والثانية ما اقطــــــــــبتنا لـعدودها
خاتم جوابي بالصلاة على النبي=ما لاح بارقـــــــها وحنت رعـودها