[معلومات العضو مسفر المصارير]

بسم الله الرحمن الرحيم

السلام عليكم ورحمة الله وبركاته

القصيده الاولى :

قصيدة الغزل :

ياصاحبي واللي خلق نعمة السمع == إنك هنا بين المعاليق ثابت
ماجيتلك صدفة ولاجيتلي رمع == وإن غبت عني فرحتي معك غابت
غيري عبث فالحب بسياسة القمع == لكن لا ودت ولا يوم جابت
إلا محبك من عشق يحسن الجمع == ماشاب حبه لوقوى فيه شابت
والدمع هذا اللي تشوفه مهو دمع == اشعلت عيني لاجل اشوفك وذابت
واللي نزل منها على خدي الشمع == ارقد مدام الشوق فالقلب نابت

قصيدة الحكمه :

الحياة افراح واحزان ودروس وعبر === والتجارب صفحة ايامنا وكتابها
مهما زاد الشخص في المال والعز وكبر === وأهدته شهوات نفسه جديد ثيابها
وبرقت له زيف الايام وأغرته وعبر === المصير أرضه يلحف عليه ترابها
والمصايب حملها سم ودواه الصبر === ورحمة الله دون خلقه ماسكر بابها
وعن حياة الآدمي شيمته تبعد شبر == وإن فقد من شيمته شي نفسه عابها
وانقبر في العيب لو ماتوفى وانقبر == والحياة اللي بها نقص مانرضابها

و سلامتكم

ملاحظه : لا تنسون تركي من التصويت

ترا قبيلة مطير زهمونا فلا تخلونهم

تقبلوا تحياتي