عجزت أنا اخفي دمعة بعين شاعر
لامن بكى قالوا .. صويب ٍ ومطعون
تعبت أنا غربة ..وقلب ٍ مسافر
يمر طيف ٍ..ماسكن قلب وعيون
تعبت .. قلب ٍ يحتضر به مشاعر
تعبت أناقض قلب عاقل ومجنون
أموت كلمة ..والقصايد تناظر
حرف ٍ قتلني ..وباقي الحرف مغبون
تعبت أجسد صورة ٍ بالدفاتر
وجه بخيالي وسط ناس ٍ يمرون
تعبت أحيا بكل حب ٍ وأغامر
ارمي بروحي في متاهات وظنون
تعبت ادور بين كل المظاهر
حب ٍ .. ولكن .. كل حب ٍ بلا لون
تعبت أصدق والخديعة تجاهر
والصدق .. ميت ٍ بالحقيقة ومدفون
تعبت أنادي ... كن حولي مقابر
أصرخ وصوتي .. بالصدى يجرح الكون
أجي غريبه .. وارجع بكسر خاطر
أجي وأعود ... خافقي كله طعون