صـديـقي الـرجـل .. والدنيـا لها دوره = تجمـع النـاس .. وفالغالـب .. تفـرقها
والنـاس بأخبـار سـو النـاس مسعـوره = وفالطـيب .. بكـما ذكـر .. وآذانهـا صقهـا
وحـنا فضـاءاتننـا ضحـله محصـوره = نبـي نطـلع مـن السطحيـه .. اعمــقها
افضـالنـا ودنـا انهـا دوم مـذكـوره = وعيـوبـنا مانحـب احـد يتـطرقـها
كـأننـا رعـاع منهيـه ومـأمـوره = نحـفظ شـعارات .. لكـن مانطبـقها
جـهال فـي عالـم الانسـان وشعـوره = نستـحقـر .. الـي شنبـاته يحلقها
نقـلد آبــائنـا بالصـوت والصـوره = وحتي خـرافـأتهم لازم نـصدقـها
نحـب نـحزن ولـو الأوضـاع مسـروره = نعـمل مـن الحـزن غبـه لجـل نغرقهـا
يامجـتمعاتنـا هشـه ومغمـوره ؟ = يا ان لنـا اعمـاق مانعـرف حقـايقهـا
صـديقـي الـرجل لا فـوره ولا ثـوره = الأحـلام .. ما كـلها نقـدر نحقــقها
فالعـاصفه أذكـر البستـان وزهـوره = وان ماعطـاك الـزمـن بسمـاتك ؟ أسـرقـها
وان انـشـدو كيـف حالك ؟ قـول مستـوره = لو ان الأوضـاع يـوميـا .. تشقـقـها
النـفس اذا ماهي بـشرهـه ومـغروره = يطـقها الشـح وتـروح انت تـلحقـها
صـديـقي الـرجل .. واطـراف النـاس عـوره = فمـا بالـك بجـرحـها .. والا مـزارقـها ؟
اختـارهـا خيـرة المبـلي لدكـتوره = واتعـب على عروق اهـلـها اللـي تـلااحقـها
وركـز على ديـنها والعقـل وحضـوره = وشـفها .. وحـاول تعـرف اللـي ترافـقها
الـزين غسـل اليـديـن ولذتـه فـوره = عليـك بـأخـلاقـها اللـي ماتخــلقـها
وان سـهل اللـه وزان الحـلم بـأمـوره = الغـاربـه في التـعامـل .. لاتـشرقـها
كـن مبــتسـم مقـتنع بـاللــه ومقـدروه = وشـوف احـلى مافيـها من اشيـاء واعشـقها
اشـفق لـها شفقـة الشـاعـر لجمـهوره = تحـفظ حـروفـها مـن قبـل تنـطقــها
وان ضــايقـك شي ؟خـل عنـادك وجـوره = اهمـس فـإذنـها عـتب وإنتـه معـانقــها
العـمر قصيـر .. والأيــام معمـوره = مـاتستحـق انـك تضيـق .. وتـضايقـها
وان شـفت مايـظهر الـرجال عن طـوره = لاتكـسـر بنفسـها .. ولا تعـلقـها
سـامحـها واقـطع طـريق الشـر وشـروره = او ردـها لبـيت شـايبـها وطلقـها
مـايضمـحل الـرجل فـعيـون غـندوره ؟ = إلا لاعـدد خـطايـاها .. وخـانقـها
ومـايسـتـزيـد الـرجل فـعيـون غنـدوره ؟ = إلا لا طـوف خـطايـاها .. وصــادقـها