اقتباس:
|
المشاركة الأصلية كتبت بواسطة سـعـد بن صهيّب
ولا أنت ياتركي
وعسى شرهاتهم تزيد
لأني اشوف البطاله زادت
|
إي والله والله إنك تعلم باحوالنا وابو متعب هذا المفروض يسمنه ابو الفقر والمحتاجين
مسكين المنيعي مالقى له وظيفه * وظيفته عد الشوارع بالأمتار
رجال لكنه عجز عن صحيفه * شهادته فيها دواوير واصفار
والوقت هذا مايقدر ضعيفة * دينار يسري به ويضويه دينار
ومنيع فقير والمواسم كليفه * واسواق مكة كلها أسعارها نار
يبغى الزواج ولايوافق وليفه * ماعنده استعداد يسكن مع الجار
يبغى مثل قوم القصورالمنيفه * ماوده يعلق ثيابه ف مسمار
والا يبا زوج ثيابه شفيفه * خده شبر وعيونه دعاج وكبار
يبغاه حتى لو عيونه كفيفه * لو انه حمار وابو جده حمار
ومنيع يدور مالقى له رغيفه * لاهو ولد تاجر ولاهو بسمسار
رجال عيبه بس يده عفيفه * مامدها في مواقف الذل والعار
وده يحصل له وظيفه نظيفه * وكل الوظايف دونها أرقام وأسرار
مسكين منيع كل وقته خريفه * هذا اذا منيع لقى ظل واشجار!!
والاترى منيع علوم ظريفه * وافي مع الوافين وان صار ماصار
مايشرب الا لين يشرب رديفه * ولاياكل الا لادعا صاحب الدار
سوالفه ماهي سوالف خفيفه * وحكايته فيها مواعظ وتذكار
تعب يدور له حياة شــــريفه * ويعف نفسه عن مخاواة الاشرار
وبعد التعب قالوا:بنى له سقيفه* واخذ معه دله قديمه ومزمار
وعقبه:سمعت انه لقى له وظيفه * محجوزة في عنبر ثنين بشهار