ألا يا الله إني طالبٍ طاعتك ورضـاك=وعلمٍ ليا ذكروا هل الخيـر نذكـر بـه
أنا في رجى عطفك و أنا ملتجي بحماك=تفرج همـوم القلـب يافـارج الكربـه
إليا ذعذع الغربي وحرك غصون الراك=وناح الحمام بعالي الصـوت يجهربـه
أجاوب حمام الورق يا لايمـي عسـاك=يحدك زمانك يـم مـن لا تبـي قربـه
ذليلٍ إليا جيتـه وحيـدٍ تجـر خطـاك=كسيرٍ وقلبك واهج النـار تسعـر بـه
ألا يا حمام الورق ماشفـت ولا جـاك=تـرى ينفـع المهمـوم علـمٍ يبشربـه
عن الدار و أهل الدار و السر مايخفاك=وحيدٍ تحـداه الزمـن و أقلـع بسربـه
من أول يجوز العذر للي يروح هنـاك=و أنا اليوم مالي عذر ويش أتعذر بـه
مسكها حكيم الراي و أندارت الأفـلاك=وقاد السفينه و أبحر النور مـع دربـه
رشيد الزلامي