بسم الله الرحمن الرحيم
هذه القصيدة من أروع قصائد المدح ، كيف لا وهي من إبداع الشاعر / هزاع بن محمد آل وثيلة -ر حمه الله - وزادها جمالاً أنها قيلت في مدح الشيخ / فراج بن عبدالله آل هقشه - حفظه الله - .
ذبيت رجم يهيض القلب مرقاً له=ومن واهج الصدر عديت المراقيبي
وبدعت قاف بصدري زان طرق له=طرق يشوق هل الصنف اللعابيبي
وبصوغ زين المثل صوغ على حله=تصويغ عبدالغني حلي الرعابيبي
وبختار جزله وهزله بتركه كله=وبختار زينه كما المختار في الطيبي
لا قلت هيَّد فؤادي زاد هم له=وحل العنا بي وولع عارضي شيبي
وفاحت صناديق قلبي فوحة الدلة=ولجت ضلوع الحشا لجت ملاهيبي
لجلاج شول دقاقه فاقدٍ جله=لافرقتها مضاييق المواهيبي
وفي ثومة القلب خطر ينفقع عله=ولا لا المزاء من العرب بلاحي الذيبي
فيا راكب اللي يمس الحبل ويتله=فج زغونه سليمات الشواذيبي
عمانيٍ من لصايل كايف دله=ماسخرنه مكسرات المصاليبي
لا من زمنٍ الرواسي كنها خله=يطوي الحدب طية القاضي لكاتيبي
أمه شرارية مقطوعة العلة=ويلحق بعير الغرابي بالتحاسيبي
عليه غمرٍ خفي الدرب يندله=دليل غدراء على عوص المناجيبي
يلفي نشاماً وفيٍّ فعلهم كله=ندر حرارٍ مخلفها معاطيبي
ندر حرار ونسل القرم عبدالله=عبدالله القرم نطاح المواجيبي
مركا لربعه ومدهول محلٍ له=وراعي دلالٍ على المصلى محاديبي
قرمٍ ولد قرم وقروم خوالٍ له=وفي ماذكر ماكر الطيب يجي طيبي
وابوه قبله محمد بان فعل له=وجده مبارك عقيدٍ في المراكيبي
فعليهم أشكي زمانٍ جايرٍ حله=والله عليم بخصات المواجيبي
ذا قول من هو زمانه صار ضدٍ له=والله يبدل خبيث الشين بالطيبي
من كثر ماله غدا كلٍ رفيق له=ومن قل ماله تكثر به لسابيبي
فشكواي للي سبق مدحه مذمٍ له=الشيخ فراج عيد الفطر الشيبي
عيد لها لالفت عكف كما الهله=لاجات عقب الصلف قد هي مواجيبي
لناحرت والردى خلي محل له=فقدامها الشيخ يكثر بالتراحيبي
لاجت بهلها ينشد من محل له=فيوميلها في طويلات المراقيبي
ويسعى لها بالمزعفر فاشقر الدله=وحيل تقدم كبيرات المعاصيبي
ويفداه من ذخر بيته شح به كله=مايظهره كون يكلب بالكلاليبي
ويفداه نذلٍ يرد الهرج ويشله=قنٍ قموح يقرط في العراقيبي
ويفداه من هو برك بالحمل ماشله=ويفداه من هو تحرب في لقاريبي
فراج قرمٍ سعى في الطيب من حله=ومن خلقته مالحق عرضه مشاذيبي
فمن كان قرمٍ ترى العربان ربعٍ له=واللي ردي يعرفونه لصاحيبي
فالقرم يعجبك لاعنزت شكوىً له=يوم الردي عاجزٍ محتال في الطيبي
فراج ترثت ربوعٍ تبري العله=ترثت مبارك إلا منه عوى الذيبي
ومن لابتٍ في اللقاء ماتطري الذلة=آلاد مطول مروية المغاليبي
تروي شباء مرهف العودان والسله=لجا نهارٍ كثير به تناديبي
ويردون حوض المنايا مورد مغله=ولا لحقوا البل تحذف بالاساليبي
وكم ذود حفٍ شعو دقه مع جله=وتقاسموا جل طرعات الحنازيبي
وكم واحدٍ من صلاهم صايبه عله=علة خفى ماتداويها لطابيبي
هذا كلامي ونا ماجيت في زله=وقول الوفاء ثابت مامنه تكذيبي
بينت فعل رفاقتنا شهود له=وفعل دروا به منزحت الاجانيبي
أخوكم / الدوسري1427