الحمد لله على توفيقه لبن عمنا واخونا الغالي لبنان بن عبدالله الرجبان واللجنه لها سياسه في انها مافوزت لبنان على طول لانهم يبون يبقون سعودي واحد على الاقل عشان يتكسبون من الرسايل اللي يرسلها الشعب السعودي لانه اكثر دول الخليج سكاناً السعوديه فلقو انسب واحد يحطونه لبنان لانه ولد قبيله وان قبيلته بترشحه وان قبايل المملكه بيساندونه . والشي الثاني انا ماارتحت يوم شفته ماخذ الثاني في الترشيح بعد الشمري مع اني متاكد انه ماخذ الاول والمسعودي ومن معه قال نحطه الثاني لسببين في رايي اما عشان يقول انكم يادواسر ويا من يساند لبنان(من قبايل السعوديه الباقين) مهما رشحتوا ما راح تعدون الشمري ولا تستبعدونها لانه كل واحد بيسنع ربعه واتوقع انها سهله عليه ومنها يكسبون اصوات الكويتيين ويحمسونهم انكم اذا صوتوا راح تنفعون عيال بلدكم
والسبب الثاني وهو على العكس تماما ربما يبون يحمسون السعوديين للتصويت للشعار المشاركين من السعوديه في المستقبل ويقولون شوفوا كيف اكثر القبايل ساندت لبنان (ناهيك عن قبيلته اللي انا اشهد انهم ما قصروا مع ابن عمهم ) ولا خذا المركز الاول يعني زيدوا الرسايل اضعاف مضاعفه
واعتقد ان اللجنه تضرب عصفورين بحجر واحد حيث تستفيد من السبب الاول والثاني يعني من السعوديين والكويتين
وعلى فكره الموبايلي ما شغلوها الا بعد الحلقه اللي فاز فيها لبنان لسوء الحظ علما بان الموبايليب تغطي شريحه في المجتمع وانا اقول ما عندي ادنى شك ان لبنان خذا الاول وحطوه الثاني للاسباب السابقه
واقول يابني عمي في هذه الامور مستقبلياً لااحد يذخر شي لبني عمه واشكرك يااخوي العقيد على البشاره الطيبه وتقبل تحيات اخوك ابن ذيب الودعاني